د پکتیا ولایت یو بل ورزشکار ممتاز وايي، ورزش په افغانستان کې د ټولو بنسټونو ملاتړ او پام ته اړتیا لري، ځکه یوازې د بدني روزنې اداره د دې وس نه لري، چې لسګونه زره کسانو ته د سپورټ ټولې اسانتیاوې برابرې کړي.
غفران ثامر د عراق د موصل تاریخي ښار په کوڅو کې ګرځي او مسلمانان پیشلمي (پیشمني) ته بیداروي. دا په هغه ښار کې د روژې د میاشتې یو پخوانی دود دی چې پر موصل د ترکیې د عثمانیانو له واکمنېدو سره سم پیل شوی وو. خو اسلامي دولت (داعش) وسلوالې ډلې په ۲۰۱۴ز کال کې د نورو فرهنګي کارونو په ګډون پر دې هم بندیز ولګاوه. البته په ۲۰۱۸ز کال کې چې موصل د هغې ډلې له کنټروله ازاد شو نو دا عمل بیا پیل شو او د ښار اوسېدونکي وايي چې دا دود ژوندی ساتل غواړي. د رویټرز اژانس له ویډیو جوړ رپورټ.
نن په روغتیا او درملنه خپرونه کې پر نري رنځ یا ټي بي غږېدلي یو. د روغتیا نړیوال سازمان (ډبلیو اېچ او) هر کال د مارچ ۲۴مه د تپ دق یا توبرکلوز په اړه پوهاوي ته ځانګړې کوي. دا یوه بیکټېریايي ناروغي ده چې له مریضه نورو کسانو ته خپرېدای شي او که پر وخت یې درملنه و نه شي نو د مرګ سبب هم کېږي. نن په خپرونه کې د دې ناروغۍ د علاماتو، تشخیص او درملنې په اړه مفصل معلومات درکوو. بشپړه خپرونه واورئ.
مدني او د بشري حقونو فعالانو د پاکستان تر واک لاندې له ګلګت بلتستانه د یوې ۱۳ کلنې نجلۍ د تښتونې او ودولو پرضد مظاهره کړې ده. د مارچ پر ۲۴مه په اسلام اباد کې مظاهرچیانو وویل چې د نجلۍ د تښتونې مقدمه دوه میاشتې مخکې دایره شوې خو چارواکو یې د تښتوونکو پرضد اقدام نه دی کړی. البته څو ورځې مخکې پر ټولنیزو شبکو یوه ویډیو خپره شوې چې پکې نجلۍ ویلي دي چې په خپله خوښه یې واده کړی دی خو احتجاجیانو ویلي دي چې په هغې ویډیو په زور جوړه شوې ده. د ګلګت بلتستان چارواکو لا په دې اړه څه نه دي ویلي خو د خیبر پښتونخوا... Читать дальше...
د سوات ۲۲ کلنې مدني فعالې حدیقې بشیر د مارچ پر شپږمه په اسټرالیا کې د ځوانانو یوه نړیواله جایزه ګټلې ده. نوموړې وايي چې له تېرو ۱۰ کلونو راهیسې په سوات کې د نجونو د کم عمرۍ د ودونو پر ضد مبارزه او په ټولنه کې د اب و هوا یا اقلیم بدلون په اړه د پوهاوي پیدا کولو هڅه کوي. نوموړې په وروستیو کې له اسټرالیا څخه سیدو شریف ته په ستنېدو له مشال راډیو سره خبرې کړې دي. بشپړه ویډیويي مرکه وګورئ.
د هند خلک د وريژو او دالونو له اوړو یو ډول نرۍ ډوډۍ جوړوي چې ډوسا یا دوسا بلل کېږي. د هغې ډوډۍ جوړولو بېلابېلې طریقې دي خو د مارچ پر ۱۶مه د خوړو یو شرکت شاوخوا ۳۷ میټره ډوسې په پخولو نړیوال رېکارډ جوړ کړی دی. انیسې اجمل یې په اړه د اې اېف پي له ویډیو رپورټ جوړ کړی دی.