გომური გახარიაზე: იგივე დარჩება ჩემთვის, ვიღაც ტიპი, რომელიც ძალიან უნამუსო აღმოჩნდა
2019 წლის 20-21 ივნისის მოვლენების დროს დაზარალებული მაკო გომური, სოციალურ ქსელში ეხმაურება პრემიერ გიორგი გახარიას გადადგომის გადაწყვეტილებას და წერს, რომ მას სიხარულის მიზეზი არ აქვს:
„საერთოდ არ ვარ გასწორებულში. არც გამხარებია, რავი მიზეზი არ მაქვს მაგის. არც ოც ივნისზე უგია პასუხი, არც გამოძიების დაჩქარებას შეუწყო ხელი და იგივე დაზეპირებული ფრაზებით წავიდა, რომ იყო შტურმის აცილება, რომ პარლამენტი აღებას გადაარჩინა, რომ ქვეყანა მასშტაბურ გადატრიალებას მოარიდა და ა.შ. რაც აქამდე იყო, ვიღაც ტიპი, რომელიც ძალიან უნამუსო აღმოჩნდა, იგივე დარჩება ჩემთვის. მის ადგილს სხვა დაიკავებს, ვინც ხელახლა გააჟღერებს იმ ,,მთავარის’’ სათქმელს. ასე რომ არ ვგრძნობ, არც კმაყოფილებას და არც რაიმე მაგდაგვარს“.
2019 წლის 20-21 ივნისის ღამეს 18 წლის მაკო გომურმა საპროტესტო აქციის დაშლის დროს თვალი დაკარგა.
18 თებერვალს, საქართველოს პრემიერ-მინისტრმა, გიორგი გახარიამ მთავრობის ადმინისტრაციაში გამართულ ბრიფინგზე თქვა, რომ გუნდში შეთანხმების მიუღწევლობის გამო ნიკა მელიას დაპატიმრებასთან დაკავშირებით, მიიღო გადაწყვეტილება, გადადგეს დაკავებული თანამდებობიდან.