د افغانستان د بهرنیو چارو او د مالیې وزیران سویس ته ولاړل
تمه ده دغه کنفرانس د دوشنبه او سه شنبه په ورځو په ژنیو کې ترسره شي.
په دې غونډه کې د هیوادونو او نړیوالو سازمانونو استازي له افغانستان سره د راتلونکو څلورو کلونو لپاره د مالي مرستو او سیاسي ملاتړ ژمني اعلانوي.
د افغانستان د بهرنیو چارو وزارت د یوې خبرپاڼي په خپرولو نن وویل چې محمد حنیف اتمر به د ژنیو تر کنفرانس وروسته د اسلامي همکاریو سازمان د بهرنیو چارو وزیرانو په غونډه کې د ګډون لپاره نایجیریا ته سفر وکړي.