Gazagystan Türkmenistanyň çäginden pomidor we burç önümlerini import etmegi wagtlaýyn gadagan etdi. Bu barada 7-nji iýunda bu ýurduň Oba hojalygy ministrliginiň metbugat gullugy habar berdi. Edaranyň web sahypasyndaky maglumatda bu çäräniň pomidor we burç önümlerinde karantin organizmleriniň ýüze çykarylmagynyň köpelmegi bilen baglanyşyklydygy habar berildi.
