Мясников көн саен аш ашау куркыныч булуы турында кисәтте
(Казан, 8 октябрь, «Татар-информ»). Табиб һәм телетапшырулар алып баручы Александр Мясников көн саен кайнар аш ашамаска киңәш итте. Бу хакта аның сүзләренә сылтама белән РИА Новости хәбәр итә. Белгеч сүзләренчә, Япониядә ашар алдыннан җылы су эчәргә тырышалар, чөнки ул ашказаны согы бүлеп чыгарырга ярдәм итә. Табиб сүзләренчә, кайнар ашны абсолют файдалы ризык дип әйтеп булмый. «Ул тозлы, майлы, калорияле субстанция», — дип аңлатты ул. Шуңа күрә Мясников төшке аш вакытында аш ашауны мәҗбүри итеп куймаска киңәш итте. Табиб-диетолог Андрей Бобровский сөйләгәнчә, рационга даими рәвештә майлы-итле шулпа кертү йөрәк-кан тамырлары авырулары килеп чыгу куркынычын арттыра.