Новости за 25.10.2021

(Казан, 25 октябрь, «Татар-информ»). Түбән Камада транспорт мәсьәләсен хәл итү юлларын эзлиләр. Бу турыда үбән Кама муниципаль районы рәсми сайты нда хәбәр ителә. «Миңа җәмәгать транспорты буенча күп сораулар килә. Бу бик катлаулы мәсьәлә, аны хәл итү өчен вакыт таләп ителә», — диде «эшлекле дүшәмбе»дә Түбән Кама муниципаль районы Башкарма комитеты җитәкчесе вазифаларын башкаручы Рамил Муллин. Ул шулай ук транспорт реформасы өстендә эш даими алып барылуын әйтте: «Без төрле дәрәҗәдәге киңәшмәләр уздырабыз... Читать дальше...

Валиев Акрам Искандарович(биография) гвардии лейтенант СА,Герой Советского Союза,командир отделения 1-го батальона 341-го гвардейского стрелкового полка 119-й гвардейской стрелковой дивизии 10-й гвардейской армии 2-го Прибалтийского фронта родился 17 апреля 1924 года в селе Ильбяково Азнакаевского района Республики Татарстан в крестьянской семье.… Далее

(Актаныш, 25 октябрь, «Татар-информ», Гадел Әхмәтҗанов). «Китап» милли радиосы һәм «MINGAZOV» кавер төркеме «Мин матурлык эзләп йөрим…» дип исемләнгән авточабыш вакытында Актанышта Әлфия Авзалова һәйкәле янында «Ак чәчәкләр кебек кар ява» җырын башкарды. Актанышта Казан — Уфа — Казан автотурында катнашучыларны укытучылар, мәктәп укучылары, мәдәният сарае хезмәткәрләре, журналистлар, авыл халкы каршы алды. «Китап» милли радиосы башкарма продюсеры Лилия Кадырова Эльмира Җәлилованың «Мин матурлык эзләп йөрим җирдән»... Читать дальше...

(Казан, 25 октябрь, «Татар-информ»). Россия Президенты Владимир Путин халыкны сыйфатлы азык-төлек белән тәэмин итү өчен продуктларның стандартларга һәм техник регламентларга туры килүен контрольдә тоту буенча тәкъдимнәрне расларга кушты. Тиешле күрсәтмә Кремль сайтындагы исемлектә басылып чыкты. «Халыкны сыйфатлы азык-төлек продуктлары белән тәэмин итү өчен Россия Хөкүмәтенә, булган дәүләт мәгълүмат системалары нигезендә аны күзәтүнең комплекслы механизмын булдыру юлы белән, азык продукциясенең сыйфаты... Читать дальше...

(Казан, 25 октябрь, «Татар-информ»). Иртәгә, 26 октябрьдә, Татарстан территориясендә салкынча һава торышы сакланачак. Татарстан Гидрометеорология һәм әйләнә-тирә мохитне күзәтү үзәге хәбәр иткәнчә, республикада аязучан болытлы һава торышы булачак. Төнлә явым-төшем ихтималы аз, көндез урыны белән яңгыр һәм җепшек кар яварга мөмкин. Төньяк-көнбатыштан уртача тизлектә искән җил көньяк-көнбатышка юнәлешен үзгәртергә мөмкин. Вакыты белән җилнең тизлеге 15-17 метрга кадәр көчәергә мөмкин. Төнлә Татарстанда һава температурасы -1.. -6 градус... Читать дальше...

(Казан, 25 октябрь, «Татар-информ»). Чаллыда биш катлы йортта шартлау мизгеле видеорегистратор камерасына эләккән. Кадрларда күренгәнчә, көчле шартлаудан соң бина кыйпылчыклары кешеләргә һәм юлга төшә.

(Казан, 25 октябрь, «Татар-информ», Гөлнар Гарифуллина). Сәгать 21.00 гә җиткерелгән мәгълүматлар буенча, Чаллының Ашыгыч медицина ярдәме хастаханәсендә торак йортта газ шартлауда зыян күргән дүрт кеше ята. Бу хакта ТР Сәламәтлек саклау министрлыгының матбугат хезмәтеннән хәбәр иттеләр. 2010 елгы 11 яшьлек малайның хәле җиңелчә авырлык дәрәҗәсендә, тәне җәрәхәтләнгән, ул реанимациядә. 2004 елгы абыйсы — 17 яшьлек үсмер егет авыр хәлдә реанимациядә дәвалана. 1951 елгы, 70 яшьлек ир авыр хәлдә, шулай ук... Читать дальше...

(Казан, 25 октябрь, «Татар-информ»). Татарстанда яшәүчеләр Telegram мессенджерында «Халык санын алу 2021 Татарстан» чат-бот ярдәмендә җанисәпне узу тәртибен, якын пунктларның һәм күпфункцияле үзәкләрнең адресларын белергә мөмкин.  Ботны эшләтеп җибәрү өчен https://t.me/TatarstanPerepis_bot сылтамасы буенча күчәргә яки Telegram каналында @TatarstanPerepis_bot эзләргә кирәк. Телеграм-ботны Республика «Татмедиа» матбугат һәм массакүләм коммуникацияләр агентлыгы эшләгән. Чатта җанисәпне кайсы көнне... Читать дальше...

(Казан, 25 октябрь, «Татар-информ»). Чаллы шәһәрендә Гадәттән тыш хәл һәм янгын куркынычсызлыгын тәэмин итү комиссиясенең күчмә утырышы булды. «Муниципаль характерда гадәттән тыш хәл режимын кертү карары кабул ителде һәм җавап бирүнең җирле дәрәҗәсе билгеләнде», — дип ачыклык керттеләр Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә. Шартлау нәтиҗәсендә алты фатир җимерелгән, аларда 14 кеше яшәгән. Йорт хәрабәләре астыннан дүрт кешене чыгарганнар, алар арасында ике бала да бар. Читать дальше...

(Казан, 25 октябрь, «Татар-информ»). Чаллыда торак йортта газ шартлау сәбәпле, зыян күргән өч кеше — 11 һәм 17 яшьлек абыйлы-энеле туганнар һәм 70 яшьлек ир-ат Ашыгыч медицина ярдәме хастаханәсендә реанимациядә ята. «Медиклар зыян күрүчеләрнең хәлләрен тотрыкландыру өчен ашыгыч чаралар күрә», — дип сөйләделәр Татарстан Сәламәтлек саклау министрлыгы матбугат хезмәтендә. Шулай ук шартлауда зыян күргән 22 яшьлек кызны да хәрабәләр астыннан чыгарганнар һәм хастанәгә алып киткәннәр.

Шушы атнада бу ике һоспитальнең кайда урнашачагы хәл ителәчәк.

(Казан, 25 октябрь, «Татар-информ», Полина Шевчук). Бүген Чаллыда биш катлы йортта шартлау вакытында зыян күргән 22 яшьлек кызны хәрабәләр астыннан чыгардылар. «1999 елда туган кызны чыгардылар. Аның хәле тотрыклы авыр дип бәяләнә. Аны Ашыгыч медицина ярдәме хастаханәсенә алып киттеләр», — дип хәбәр итә Татарстан Сәламәтлек саклау министрлыгы матбугат хезмәте.

Для проведения проекта объявлен набор наставников.

(Казан, 25 октябрь, «Татар-информ», Эвелина Киселева). Татарстан сәламәтлек саклау министры Марат Садыйков Чаллыга шартлау урынына вертолетта очты. «Марат Садыйков Чаллыга торак йортта газ шартлаган урынга вертолетта очты», — диделәр Татарстан Сәламәтлек саклау министрлыгы матбугат хезмәтендә. Элегрәк шартлау урынына Татарстан Премьер-министр Алексей Песошин вертолетта очкан иде.

В Набережных Челнах в одной из квартир пятиэтажного дома произошел взрыв.

(Казан, 25 октябрь, «Татар-информ», Гөлнар Гарифуллина). 18 сәгать 55 минутка булган мәгълүматлардан күренгәнчә, Чаллыда көнкүреш газы шартлау нәтиҗәсендә, 1951 елгы ир-атны хәрабәләр астыннан чыгарганнар. «Тәне нык җәрәхәтләнгән. Хәле тотрыклы авыр. Ашыгыч медицина ярдәме хастаханәсенә озатыла», — дип хәбәр итә Татарстанның Сәламәтлек саклау министрлыгының матбугат хезмәте. Министр Марат Садыйков торак йортта газ шартлаган урынга очкан.

(Казан, 25 октябрь, «Татар-информ», Павел Климчак). Тикшерү комитеты Чаллыдагы торак йортта газ шартлаганнан соң «Иминлек таләпләренә җавап бирмәгән хезмәтләр күрсәтү» маддәсе буенча җинаять эше кузгатты. Хәзерге вакытта тикшерүчеләр вакыйга урынын карый, бу хәл килеп чыгу сәбәпләрен ачыклыйлар. Бу хакта «Татар-информ»га Россия Тикшерү комитетының Татарстан буенча Тикшерү комитеты җитәкчесенең өлкән ярдәмчесе Андрей Шептицкий хәбәр итте. «Татар-информ» агентлыгы хәбәр иткәнчә, Чаллыда торак йортта газ шартлаган. Читать дальше...

(Казан, 25 октябрь, «Татар-информ», Полина Шевчук). Республика Президенты Рөстәм Миңнеханов кушуы буенча Премьер-министр Алексей Песошин Чаллыга һәлакәт урынына бара. Бу хакта Татарстан Президентының матбугат хезмәте җитәкчесе Лилия Галимова хәбәр итә. «Татар-информ» агентлыгы хәбәр иткәнчә, Чаллыда Татарстан урамында биш катлы йортта газ шартлаган. Анда ике бала зыян күргән.

(Казан, 25 октябрь, «Татар-информ», Полина Шевчук). Чаллыда шартлау урынында автобаскыч белән 17 яшьлек үсмерне коткарганнар. «Малай гаиләсе — әти-әнисе, энекәше белән өйдә булган. Әти-әнисе белән энекәше үзләре чыга алган», — дип сөйләде «Татар-информ»га үз хәбәрчесе. Шулай ук шаһитлар сөйләгәнчә, торак йортта шартлау тарттырылган түшәм куйганда булырга мөмкин. Шартлау урынында Гадәттән тыш хәлләр министрлыгы һәм тикшерүчеләр эшли. Бу хәл килеп чыгу сәбәпләрен ачыклыйлар.

(Казан, 25 октябрь, «Татар-информ», Полина Шевчук). Чаллыда шартлау булган урынга шәһәр прокуроры вазифаларын башкаручы Айдар Галиев киләчәк. Күзәтчелек ведомствосы газ җиһазын файдаланганда һәм хезмәт күрсәткәндә закон таләпләре үтәлешенә бәя бирәчәк. Бу хакта Татарстан прокурорының Массакүләм мәгълүмат чаралары һәм һәм җәмәгатьчелек белән элемтә буенча өлкән ярдәмчесенең вазифаларын башкаручы Динар Чуркин хәбәр итте. «Татар-информ» агентлыгы хәбәр иткәнчә, бүген 17.30 сәгатьтә Чаллыда Татарстан урамындагы биш катлы йортта газ шартлаган. Читать дальше...

(Казан, 25 октябрь, «Татар-информ», Полина Шевчук). Чаллыда шартлау булган йорт хәрабәләре астында ике кеше калган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр. Һәлакәт урынына кинологлар җибәрелгән, Россия Гадәттән тыш хәлләр министрлыгының Татарстан буенча Баш идарәсенең аэромобиль төркемнәре һәм Россия Гадәттән тыш хәлләр министрлыгының Идел буе эзләү-коткару отряды әзерләнгән. Шартлау урынында туксаннан артык кеше һәм 35 берәмлек техника эшли.

(Казан, 25 октябрь, «Татар-информ», Зилә Мөбәрәкшина). Казан мэриясе һәм Татарстан Президенты хозурындагы Татар телен саклау һәм үстерү мәсьәләләре комиссиясе татар теле укытучылары өчен татар телен нәтиҗәле һәм заманча укыту семинары циклын башлап җибәрә. Беренче семинар 28 октябрьдә сәгать 15.00дә «Унбер» лицеенда узачак. «Проектта лекторларның үзләре өчен ораторлык осталыгы буенча дәресләр узачак, аларны танылган актерлар, дикторлар һәм сөйләм буенча педагоглар үткәрәчәк», — дип хәбәр итте Казан мэриясенең матбугат хезмәте вәкиле. Читать дальше...

(Казан, 25 октябрь, «Татар-информ», Гөлнар Гарифуллина). Татарстанның Сәламәтлек саклау министрлыгы Чаллыда көнкүреш газы шартлау аркасында ике кеше зыян күргәнен хәбәр итә. 2010 елгы баланы ашыгыч медицина ярдәме бригадасы караган, һәм ул Ашыгыч медицина ярдәме хастаханәсенә озатыла.  Аның 2004 елгы абыйсын ашыгыч медицина ярдәме табиблары карый.

(Казан, 25 октябрь, «Татар-информ», Полина Шевчук). Президент булган хәл турында белә. Оператив рәвештә урынга килгән ашыгыч хезмәтләр яңа мәгълүмат булган саен хәбәр итә. Бу хакта Татарстан Президенты матбугат хезмәте җитәкчесе Лилия Галимова хәбәр итә. Элегрәк «Татар-информ» мәгълүмат агентлыгы хәбәр иткәнчә, Чаллыдагы биш катлы йортның дүртенче катында газ шартлаган. Өлешчә дүртенче һәм бишенче катлар җимерелгән.

(Казан, 25 октябрь, «Татар-информ», Полина Шевчук). Бүген 17.30 сәгатьтә Татарстан урамындагы 25/117 йортта газ шартлавы турында хәбәр килгән. «Татар-информ» мәгълүмат агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә сөйләгәнчә, шартлау биш катлы панель торак йортның якынча дүртенче катындагы фатирында булган.  Хәзерге вакытта урында янгын сүндерү-коткару бүлекчәләре эшли. Халыкны эвакуацияләү бара. Бу мәгълүматка ачыклык кертелә.