Асăну сачĕ
Сĕнтĕрвăрри районĕнчи Октябрьски салинче тепĕр вун-вун çултан Тăван Çĕршывăн Аслă вăрçинче хаяр тăшманпа çапăçса пире тăнăç пурнăç парнеленĕ паттăрсене халалласа лартнă йывăçсем каш-кашлама пуçлĕç. Виççĕмĕш çул Раççейре «Асăну сачĕ» акци иртет. Чăваш Ен те унта хутшăнчĕ. Ветерансем, волонтерсем, шкул ачисем, Чăваш Республикин Правительствин пайташĕсем пурте пĕр рете тăрса йывăç лартрĕç. «Асăну сачĕ» пуçарăва хутшăнакансем «Ку пурне те пĕрлештерекен усăллă пуçару пулнине» палăртрĕç. Çĕршывра проектпа килĕшӳл
<p>Сĕнтĕрвăрри районĕнчи Октябрьски салинче тепĕр вун-вун çултан Тăван Çĕршывăн Аслă вăрçинче хаяр тăшманпа çапăçса пире тăнăç пурнăç парнеленĕ паттăрсене халалласа лартнă йывăçсем каш-кашлама пуçлĕç. Виççĕмĕш çул Раççейре «Асăну сачĕ» акци иртет. Чăваш Ен те унта хутшăнчĕ. Ветерансем, волонтерсем, шкул ачисем, Чăваш Республикин Правительствин пайташĕсем пурте пĕр рете тăрса йывăç лартрĕç. «Асăну сачĕ» пуçарăва хутшăнакансем «Ку пурне те пĕрлештерекен усăллă пуçару пулнине» палăртрĕç. Çĕршывра проектпа килĕшӳллĕн 27 миллион йывăç лартма тĕллев лартнă. Унта кашниех хутшăнма пултарчĕ. – Çакăн пек акцисем ирттерни халăха пĕрлештерекен япала. Эпир Адыгея Республикинчен эстафета илтĕмĕр. Халăх çакăн пек пĕрлешсе хитре ĕçе туни, кирлĕ ĕçе туни пурнăçа малалла тăсни. Эпир ĕнтĕ вăрçăра пуç хунă паттăрсене аса илсе пурнăç малалла тăсăлнине пĕлтерет. Унсăр пуçне хамăра мĕнле кирлĕ пурнăçа тăсмаллине пĕлтерет. Малалла ăна тăсса пырăпăр. Йывăç лартни Тăван Çĕршывăн Аслă вăрçинче пуç хунă паттăрсене асра тытнине кăтартать. Республика Пуçлăхĕ Олег Николаев Раççей Президенчĕ Владимир Путин акци йĕркелеме сĕннĕ волонтерсен проектне ырланине пĕлтерчĕ. Тĕнчери лару-тăрăва шута илсе уйрăмах пĕлтерĕшлĕ пулнине палăртрĕç çак пуçарăва хутшăнакансем те. ЕЛЕНА НИКОЛАЕВА: «Çĕнтерӳ кунĕ çавăнпа хаваспах пурте пĕрле йывăçсем лартса çак куна аса илсе тăмашкăн тупа тăватпăр». Сĕнтĕрвăрри районĕнче пурăнакансемшĕн те ку çав тери савăнăçлă пулăм. Афган, Чечня вăрçисен ветеранĕсем те айккинче тăрса юламарĕç. Тăнăç пурнăç парнелекенсене сума сăвасси, тав тăвасси – пирĕн тивĕç теççĕ. АЛЕКСЕЙ ЮНУСОВ: «1982-мĕш çулта салтака кайса Афганистанра служить тумалла пулчĕ. Шанса панă техникăна, пăшала яланах управлă ,хисеплĕ, хамăр çĕршыва йĕркеллĕ сыхланă çынсем тесе шутлатпăр». Туя – çирĕп йывăç шутланать. Яланах ешĕл тĕсĕпе савăнтарать, çиллĕ, сивĕ çанталăкран хăрамасть. Вĕсене вăй илме вара шкул ачисем пулăшĕç. АЛЕКСЕЙ АФАНАСЬЕВ: «Кашни çул субботник ирттеретпĕр. Пăхса тăратпăр».<strong> </strong></p>