უკრაინის სამხრეთის ოპერატიული სარდლობა: ოდესაში სახლის დაბომბვას 15 წლის მოზარდი ემსხვერპლა
2 მაისს, საღამოს ოდესაში საცხოვრებელი სახლის დაბომბვის შედეგად 15 წლის მოზარდის დაღუპვის შესახებ იუწყება უკრაინის სამხრეთის ოპერატიული სარდლობა. კიდევ ერთი არასრულწლოვანი კი გადაყვანილია საავადმყოფოში. ამავე ცნობით, სახლში სულ ხუთი ადამიანი იმყოფებოდა. მათ ფსიქოლოგიურ დახმარებას უწევენ. ადგილზე იმყოფებიან მაშველები.
დაზიანებულია სახლთან ახლოს მდებარე რელიგიური დაწესებულების შენობა.
სამხრეთის სარდლობის პრესსამსახურის ხელმძღვანელის ნატალია გუმენიუკის ინფორმაციიით, უკრაინის შეიარაღებულმა ძალებმა ოდესაში ჩამოაგდეს რუსეთის უპილოტო საფრენი აპარატი, რომელსაც არა მხოლოდ ინფორმაციის შეგროვება, არამედ ბომბის ჩამოგდება შეუძლია.