რუ­სული მე­დი­ა­: ლეონიდ აგუტინმა და ანჟელიკა ვარუმმა რუსეთი დატოვეს

რუ­სულ მე­დი­ა­ში ყო­ველ დღე წე­რენ ქვეყ­ნი­დან გა­უ­ჩი­ნა­რე­ბულ ვარ­სკვლა­ვებ­ზე. მომ­ღერ­ლე­ბი, მსა­ხი­ო­ბე­ბი, მწერ­ლე­ბი, რომ­ლებ­მაც უკ­რა­ი­ნა­ში ომის და­წყე­ბის შემ­დეგ რუ­სე­თი და­ტო­ვეს, მო­ღა­ლა­ტე­ე­ბად გა­მო­ა­ცხა­დეს, გა­უ­უქ­მეს კონ­ტრაქ­ტე­ბი და მათი ეკ­რან­ზე გა­მო­ჩე­ნა აკ­რძა­ლეს.

“შავ სი­ა­ში” მოხ­ვდნენ ან­ჟე­ლი­კა ვა­რუ­მი და ლე­ო­ნიდ აგუ­ტი­ნი. ცოლ-ქმარ­მა ჯერ კი­დევ ომის და­წყე­ბი­დან რამ­დე­ნი­მე დღე­ში გა­ავ­რცე­ლეს მი­მარ­თვა, სა­დაც, რო­გორც რუ­სე­ბი დღემ­დე ამ­ბო­ბენ, “სპე­ცი­ა­ლუ­რი სამ­ხედ­რო ოპე­რა­ცია“ დაგ­მეს.

მას შემ­დეგ ან­ჟე­ლი­კა ვა­რუ­მი გა­უ­ჩი­ნარ­და, მე­უღ­ლე კი პე­რი­ო­დუ­ლად მა­ინც ჩნდე­ბო­და რუ­სეთ­ში გა­მარ­თულ კონ­ცერ­ტებ­ზე. აგუ­ტინ­მა უკ­რა­ი­ნე­ლე­ბის მხარ­დამ­ჭერ ონ­ლა­ინ კონ­ცერ­ტშიც მი­ი­ღო მო­ნა­წი­ლე­ო­ბა. რუ­სულ მე­დი­ა­ში გავ­რცე­ლე­ბუ­ლი ინ­ფორ­მა­ცი­ით, წყვილ­მა რუ­სე­თი და­ტო­ვა. უკვე რამ­დე­ნი­მე კვი­რაა, რაც მომ­ღერ­ლე­ბი სა­ზო­გა­დო­ე­ბა­ში არ ჩნდე­ბი­ან. რუსი ჟურ­ნა­ლის­ტის, ალე­ნა ჟი­გა­ლო­ვას ინ­ფორ­მა­ცი­ით, ვარ­სკვლა­ვუ­რი წყვი­ლი მა­ი­ა­მი­ში (ფლო­რი­და, აშშ) გა­და­ვი­და სა­ცხოვ­რებ­ლად და შტა­ტე­ბი­დან ყვე­ლა­ფერს აკე­თე­ბენ უკ­რა­ი­ნის და­სახ­მა­რებ­ლად.

აგუ­ტი­ნი და ვა­რუ­მი მა­ნ­ჰე­ტენ­ზე რამ­დე­ნი­მე ბი­ნას და სხვა­დას­ხვა სა­ხის ძვი­რა­დღი­რე­ბულ უძ­რავ ქო­ნე­ბას ფლობს. ისი­ნი აქამ­დეც ცდი­ლობ­დნენ, კა­რი­ე­რის შტა­ტებ­ში გა­აგ­რძე­ლე­ბას, თუმ­ცა აგუ­ტი­ნი პე­რი­ო­დუ­ლად მა­ინც ჩა­დი­ო­და მოს­კოვ­ში, სა­დაც და­ხუ­რულ წვე­უ­ლე­ბებ­ზე ათი ათა­სო­ბით დო­ლარს უხ­დიდ­ნენ.

ცნო­ბი­ლია, რომ წყვი­ლის ერ­თა­დერ­თი 23 წლის ქა­ლიშ­ვი­ლი მერი-ელი­ზა­ბე­ტი უკვე დიდი ხა­ნია რაც ამე­რი­კის შე­ერ­თე­ბულ შტა­ტებ­ში ცხოვ­რობს. მა­ი­ა­მი­ში და­სახ­ლე­ბის შემ­დეგ, გო­გო­ნა სამ­შობ­ლო­ში აღარ ჩა­დის. ის მშობ­ლე­ბის კვალს გაჰ­ყვა და აქ­ტი­უ­რად არის ჩარ­თუ­ლი მუ­სი­კა­ლურ ცხოვ­რე­ბა­ში.