შელაპარაკება ანა წითლიძესა და პრემიერს შორის: „შე საცოდავო, გაეთრიე დარბაზიდანო" - მე მითხრა, მას შემდეგ, რაც დავუძახე მონა..."
პარლამენტში დასრულდა ინტერპელაციის წესით პრემიერ-მინისტრ ირაკლი ღარიბაშვილის მოსმენა. პრემიერის სიტყვის ბოლოს, მას შემდეგ, რაც ღარიბაშვილმა გააკრიტიკა პატიმრობაში მყოფი საქართველოს მესამე პრეზიდენტი მიხეილ სააკაშვილი და რევოლუციურ სცენარზე გაამახვილა ყურადღება, ფრაქციის „ერთიანი ნაციონალური მოძრაობა - ძალა ერთობაშია" დეპუტატმა ანა წითლიძემ გაშალა ტრანსპარანტი წარწერით: „ირაკლი კადიროვი“. პრემიერს კი „ივანიშვილის მონა" უწოდა. ირაკლი ღარიბაშვილმა დეპუტატს მიმართა: „საცოდავი ადამიანი ხარ, მიბრძანდი გარეთ".
რადიო თავისუფლებასთან საუბარში ანა წითლიძემ განმარტა: „შე საცოდავო გაეთრიე დარბაზიდანო"- მე მითხრა, მას შემდეგ, რაც დავუძახე მონა... მაშინ, როცა შანსი გვაქვს, რომ გავხდეთ ევროკავშირის წევრი ქვეყანა, ნაცვლად იმისა, რომ ყველა ერთად ვისხდეთ და ვმუშაობდეთ, პრემიერ ღარიბაშვილს აქვს რიტორიკა, რაც აქვს - რომ არის „ომის პარტია", ციხეში მყოფ საქართველოს მესამე პრეზიდენტს აყენებს შეურაცხყოფას და გვეუბნება, რომ ჩვენ ომი გვინდა - [ამის გამო] მე პრემიერის რიტორიკა არ გამკვირვებია".
ირაკლი ღარიბაშვილი პარლამენტში ინტერპელაციის წესით კითხვებზე წასუხის გასაცემად შვიდმა ოპოზიციონერმა დეპუტატმა: დავით უსუფაშვილმა, ანა ნაცვლიშვილმა, სალომე სამადაშვილმა, შალვა შავგულიძემ, არმაზ ახვლედინმა, თამარ კორძაიამ და დილარ ხაბულიანმა დაიბარა.
ინტერპელაცია საპარლამენტო კონტროლის ერთ-ერთი ფორმაა, როდესაც მთავრობის წარმომადგენელი დეპუტატთა მიერ გაგზავნილ შეკითხვას პარლამენტის პლენარულ სხდომაზე პასუხობს.
ინტერპელაციის ფორმატი, დასმულ კითხვებზე პასუხის გაცემის გარდა, ითვალისწინებს დებატების გამართვასაც.