Социалдык жөлөкпулдун өлчөмү көбөйдү
Президент Садыр Жапаровдун 2-сентябрда кол койгон жарлыгына ылайык, ай сайын социалдык жөлөкпул алган балдарга жана бала кезинен майыптыгы бар адамдарга төлөнүүчү акчанын өлчөмү көбөйтүлдү.
Жарлыкка ылайык 1-октябрдан тартып социалдык жөлөкпулдардын өлчөмү 50 пайызга көбөйтүлдү. Натыйжада:
–ВИЧке же СПИДге чалдыккан энелерден төрөлгөн балдардын ар айлык жөлөкпулу 6 миң сомго,
- майыптыгы бар балдардын жөлөк пулу 6 миң сомго көтөрүлдү.
– атасынан же энесинен айрылган балдардын жөлөк пулу 1500 сомго, ата-энесинин экөөнөн тең айрылган балдардын жөлөкпулу 3000 сомго көбөйдү.
– бала кезинен I топтогу майыптыгы бар адамдардын жөлөкпулу 6000 сомго;
– бала кезинен II топтогу майыптыгы бар адамдардын жөлөкпулу 4950 сомго;
– бала кезинен III топтогу майыптыгы бар адамдарга 4050 сомго;
– ата-энеси белгисиз балдардын жөлөкпулу 3000 сомго көбөйдү.
Ал эми 2022-жылдын 1-январынан тартып, жөлөкпулдар 100% көбөйтүлөт. Ага ылайык:
– ВИЧке же СПИДге чалдыккан энелерден төрөлгөн балдардын жөлөк пулу 8 миң сомго;
– майыптыгы бар балдардын жөлөк пулу 8 миң сомго;
– атасынан же энесинен айрылган балдарга 2 миң сомго;
– бала кезинен I топтогу майыптыгы бар адамдардын жөлөк пулу 8000 сомго;
– бала кезинен II топтогу майыптыгы бар адамдардын жөлөкпулу 6600 сомго;
– бала кезинен III топтогу майыптыгы бар адамдардын жөлөкпулу 5400 сомго көбөйтүлөт.
Ошондой эле, 2022-жылдын 1-январынан тартып:
- ата-энесинен айрылган балдардын жөлөк пулу 6 миң сомго;
– атасы менен энеси белгисиз балдарга төлөнүүчү жөлөк пул 6000 сомго чейин көбөйтүлөт.
Президенттин жарлыгында жазылгандай, ар айлык социалдык жөлөкпулдардын өлчөмүн көбөйтүүгө республикалык бюджеттен кошумча каражат талап кылынат. 1-октябрдан тарта көбөйгөн жөлөк пулду төлөөгө 452,8 млн. сом талап кылынат.
Ал эми 2022-жылдын 1-январынан тартып ар айлык социалдык жөлөкпулду төлөө үчүн мамлекеттик бюджетке кошумча муктаждык 3 млрд. 590 млн. 900 миң сомду түзөт.
Чыгашалар республикалык бюджеттен каржыланмакчы. (ZKo)