Обвинителство поведе истрага против фалсификаторите на евра од Камерун
Основното јавно обвинителство(ОЈО) – Скопје поведе истражна постапка против две лица од Камерун за фалсификување на евра. Тие се сомничат за кривично дело „правење, набавување или отуѓување средства за фалсификување“ согласно член 271 став 2 од Кривичниот законик, соопшти ОЈО Скопје.
Осомничените по потекло од Камерун, од кои едниот жител на Франција, а вториот на Луксембург, според Обвинителството, на 4 октомври пристигнале на граничниот премин на Меѓународниот аеродром Скопје без да поседуваат валидна документација за влез во земјава и финансиски средства потребни за престој. При проверка, во нивниот багаж било пронајдено поголемо количество предмети за правење лажни пари. Вкупниот износ на фалсификуваните евро банкноти во рана фаза за изработка изнесувал 902.150 евра, објаснуваат од скопското Обвинителство.
На скопскиот аеродром уапсени двајца Камерунци со скоро еден милион фалсификувани евра
Јавниот обвинител бара Судот да им определи мерка притвор на двајцата странски државјани, за кои постои опасност да се дадат во бегство или да го повторат делото.