Загинаа двајца работници во рудникот Бучим

Денеска на пладне загинале две лица во рудникот „Бучим“ во Радовиш кои биле ангажирани за чистење на високо недостапни силоси. Во соопштението до медиумите е наведено дека загинатите се подизведувачи - членови на Алпинистички клуб „Плоча“ Радовиш.


„На местото на несреќата медицинскиот персонал на „Бучим“ веднаш ги презеде сите неопходни мерки за укажување на прва помош и настраданите лица се упатени кон ЈЗУ Здравствен Дом – Радовиш и ЈЗУ Клиничка болница – Штип, каде што е констатирана смрт“, се вели во соопштението од рудникот.


Во него е посочено дека службите за итни случаи и одговорните служби во моментов вршат истрага.


„Рудникот „Бучим“ целосно соработува во овој процес. Формирана е и комисја која врши проценка за причината за настанатиот несреќен случај во согласност со сите законски барања. Резултатите од истрагата ќе бидат дополнително соопштени, веднаш штом ќе бидат достапни наодите“, е посочено во официјалната изјава на „Бучим“.



Владата и натаму ќе може да дава концесии за рудници на кого сака


СВР Струмица потврдуваат дека полициски екипи и јавен обвинител вршат увид.