Извори за РСЕ: Навални е добитник на наградата Сахаров

Затворениот руски опозициски лидер Алексеј Навални е избран за добитник на наградата Сахаров за слобода на мислата, велат извори за Радио Слободна Европа.

Навални на 20 октомври беше избран за добитник на наградата од страна на европските пратеници, велат за РСЕ два извори кои знаат за одлуката, откако влегол во потесен избор заедно со група жени од Авганистан и со боливиски опозициски политичар кој е во затвор. 

Навални беше затворен во јануари, откако се врати во Русија од Германија каде што беше на лекување од труење, за кое рече дека било направено по наредба на Кремљ, обвинение кое Москва го негира.

Навални под нова истрага за „екстремизам“

Навални потоа беше осуден на две ипол години затвор под обвинение за прекршување на условната слобода, што тој го осуди како политички мотивирано.

Минатата година наградата и беше доделена на белоруската демократска опозиција, која организираше неколкунеделни протести против Александар Лукашенко по спорните претседателски избори за кои тврдеше дека победил, но за кои опозицијата и Западот сметаат дека во голема мера се наместени во негова корист.