За седуммина граѓани на Авганистан обезбеден траен престој во Португалија

Седуммина граѓани на Авганистан, четворица возрасни и три деца, изутрината од Меѓународниот аеродром Скопје преку Истанбул, заминаа за Португалија како нивно трајно одредиште, соопшти владината прес-служба.

Станува збор за вработени во меѓународни организации и нивни семејства на кои во изминатиот период нашата земја им обезбеди привремено засолниште во рамки на меѓународната хуманитарна операција за помош на продемократското население во Авганистан, кое е под закана на новата талибанска власт во земјата.

Триесет и пет Авганистанци кои времено престојуваа во земјава заминаа во Грција

„Северна Македонија во моментов дава прибежиште на 400 граѓани од Авганистан. Тие овде ја добиваат целата потребна поддршка додека не се обезбеди трансфер до нивната крајна дестинација. Трошоците за престојот се покриени од меѓународните организации“, стои во соопштението.