Ковачки - Заев и Спасовски ги злоупотребуваат „Тигрите“ во партиски цели
Специјалната единица Тигри се користи од Зоран Заев и Оливер Спасовски за партиски цели за изборите, соопштија од ВМРО-ДПМНЕ.
„Ја известуваме македонската јавност дека од страна на министерот Оливер Спасовски, директорот на БЈБ и помошникот директор во одделот за криминалистичка полиција, Оливер Лукароски се врши класична злоупотреба на специјалната единица на МВР Тигар во партиски цели“, рече Драган Ковачки, член на ИК на ВМРО-ДПМНЕ на прес-конференција.
Тој вели дека може да се забележи енормно и несразмерно присуство на полицијата и на нејзините специјални единици во градовите каде имаме втор круг на избори.
Обвинителството ги проверува обвинувањата на ВМРО-ДПМНЕ за „изборни злоупотреби“ на полицајци
„Под плаштот на наводни акции за апсење на дилери на дрога или опасни лица, Спасовски прави класична злоупотреба на специјалните единици и шири страв кај народот“, вели Ковачки.
Опозициската партија со денови на прес-конференција изјавува дека полицијата се користи од челници и функционери на СДСМ за спроведување партиски цели и заплашувања и притисоци пред изборите.