"Ошиқ шудам, ҳис кардам, одами ман аст." Қиссаи издивоҷи Саидалӣ ва Мусаллам. ВИДЕО
Як ҷуфти ошиқ дар ноҳияи Файзобод шаш сол боз “Рӯзи ошиқон”-ро бо ҳам ҷашн мегиранд.
Як ҷуфти ошиқ дар ноҳияи Файзобод шаш сол боз “Рӯзи ошиқон”-ро бо ҳам ҷашн мегиранд.
Идораи омори Тоҷикистон эътироф мекунад, ки омори мизони бекорӣ воқеӣ нест, соли гузашта 779 соҳибкори инфиродии тоҷик корро бас кардааст, собиқ Президенти Қирғизистон аз зиндон раҳо шуд ва ишқи осмонии як ҷуфти тоҷик.
Додгоҳе дар Қирғизистон рӯзи 14-уми феврал собиқ президенти ин кишвар Алмосбек Отамбоевро аз зиндон озод кард ва иҷоза дод, ки барои табобат ба хориҷа равад.
Як фаъоли маданӣ дар Тоҷикистон пешниҳоди таъсиси ҷамъияти "Зардуштиёни Тоҷикистон"-ро кардааст.
Пайвандони Маҳмурод Одинаев, муовини маҳкумшудаи раиси ҲСДТ аз мақомоти зиндон хостаанд, то ӯро дар беморхонаи маҳбас бистарӣ созанд. Онҳо вазъи саломатии ӯро “риққатбор” номиданд.
Варзишгарони тоҷик дар мусобиқаи XXVII байналмилалӣ оид ба самбо барои ҷоизаҳои президенти Беларус, ки рӯзҳои 10-11-уми феврал дар Қасри варзиши шаҳри Минск баргузор шуд, се медал ба даст оварданд. Маҳмуд Абдуллоев, дабири кулли Федератсияи самбои Тоҷикистон, рӯзи 14-уми феврал ба Радиои Озодӣ гуфт, ки дар ин мусобиқаи анъанавӣ беш аз сад варзишгар аз панҷ кишвар: Беларус, Русия, Арманистон, Қазоқистон ва Тоҷикистон иштирок карда, барои медалҳо аз рӯи 21 дараҷаи вазн (7 вазн миёни мардон, 7... Читать дальше...
Баъди худдории Вазири энержии Тоҷикистон ва раиси ширкати "Барқи тоҷик" аз ифшои омори фурӯши барқ ба хориҷа, Оҷонсии омор ин маълумотро эълон кард. Раиси Оҷонсии омор гуфт, соли гузашта Тоҷикистон ба хориҷа ба маблағи 106 миллион доллар барқ фурӯхтааст. Ба гуфтаи Ҷамшед Нурмуҳаммадзода, соли гузашта Тоҷикистон ба Афғонистон 1,7 млрд. ва ба Узбекистон 1,6 млрд. киловат соат барқ содир кардааст. Нурмуҳаммадзода афзуд, як қисми ками барқ ба кишварҳои дигар содир шудааст, аммо нагуфт ба кадом кишварҳо. Читать дальше...
Соли гузашта Тоҷикистон ба Ҷазираҳои Вирҷиния дар ҳаҷми 16,2 миллион доллар маҳсулот содир кардааст. Ҷазираҳои Вирҷиния як минтақаи офшорӣ аст, ки баъзе аз ширкатҳои тоҷикистонӣ, аз қабили IRS, дар онҷо сабти ном шудаанд. Ҷамшед Нурмуҳаммадзода, раиси Оҷонсии омор 14-уми феврал зимни нишасти хабарӣ гуфт, аз Тоҷикистон ба Ҷазираҳои Вирҷиния асосан маҳсулоти кишоварзӣ ва коркарди саноатӣ содир шудааст. Нурмуҳаммадзода аз содироти маҳсулот ба Ҷазираҳои Вирҷин тавсиф карда гуфт, "содирот васеъ шуда истодааст ва бозор ёфтанамон даркор". Читать дальше...
Соли гузашта теъдоди никоҳ дар Тоҷикистон кам, вале талоқ зиёдтар сабт шудааст. Масъулини Оҷонсии омор 14-уми феврал зимни нишасти хабарӣ гуфтанд, соли гузашта дар кишвар 70,6 ҳазор никоҳ ба қайд гирифта шудааст, ки назар ба як соли пеш 5,4 дарсад камтар аст. Тибқи оморҳои расмӣ, никоҳ дар Хатлон 2,5, Суғд 8, ноҳияҳои тобеи ҷумҳурӣ 6, Душанбе 3,9 ва ВМКБ 21,3 дарсад коҳиш ёфтааст. Ба гуфтаи мақомот, соли гузашта 14 ҳазору 69 талоқро сабт кардаанд, ки дар қиёс ба як соли пеш 2,9 дарсад бештар аст. Читать дальше...
Изҳороти бархе аз раҳбарони ҷабҳаи зидди Толибон дар робита ба додани чархболҳои ҳукумати пешини Афғонистон ба Ҷабҳаи муқовимати миллӣ, баҳсҳоро дар бораи сарнавишти ин таҷҳизоти низомӣ, дигарбора гарм кардааст.
35 варзишгари тоҷик барои дастовардҳояшон дар соли 2022 бо ҷоизаи президенти Тоҷикистон мукофотонида шуданд. Маросими ҷоизасупорӣ 13-уми феврал дар шаҳри Душанбе доир гардид. Маблағи умумии ҷоизаҳо 568 ҳазору 750 сомониро ташкил дод. Ба варзишгарон мувофиқи дастовард ва гурӯҳашон (наврасон, ҷавонон ва бузургсолон) ҷоизаи президент ба мабалағи аз 6250 то 50 000 сомонӣ супурда шуд, ки аз ин маблағ 20 фоизаш ба мураббиён тақдим гардид. Ҷоиза ба варзишгароне супурда шуд, ки дар соли 2022 дар мусобиқоти... Читать дальше...
Додгоҳи шаҳри Толдиқурғони Қазоқистон панҷ корманди пулисро барои шиканҷаи гумонбарон дар "ҳодисаҳои январӣ"-и ин кишвар аз 3 то 4 сол зиндонӣ кард. Бахши қазоқии Радиои Озодӣ иттилоъ додааст, ки маъмурони пулис дар шиканҷаи 23 гумонбар айбдор дониста шудаанд. Айдин Кенжебоев ва Жанбакит Нуртазо чорсолӣ, Сапарамурат Токташ 3,5 сол, Ермеу Жумашев ва Алмос Боканов сесолӣ аз озодӣ маҳрум гаштанд. Онҳо ҳамчунин ба муҳлати се сол ҳақ надоранд, дар мақомоти ҳифзи ҳуқуқ кор кунанд. Қаблан Додситонии кулли Қазоқистон гуфта буд... Читать дальше...
Маркази обуҳавошиносии "Узгидромет" ҳушдор додааст, ки дар натиҷаи боронгариҳои сахти рӯзҳои 14-18 феврал омадани сел дар чандин вилояти Узбекистон эҳтимол дорад. Тибқи иттилои марказ, эҳтимоли омадани сел дар вилоятҳои Қашқадарё, Сурхандарё, Самарқанд, Навоӣ, Ҷиззах, Намангон, Фарғона ва Тошканд вуҷуд дорад. Аз сокинони вилоятҳои мазкур ва ронандагону мусофироне, ки ба ин минтақаҳо сафар мекунанд, даъват шудааст, то дар рӯзҳои 14-18 феврал аз чораҳои эҳтиётӣ кор гиранд.