Қирғизистон содироти пиёзро дубора иҷозат дод
Вазорати кишоварзии Қирғизистон қарори манъи содироти пиёз аз ин кишвар ба хориҷро бекор кард.
Хадамоти матбуотии вазорат гуфтааст, ин тасмим ба хотири дастгирии истеҳсолгарони ватанӣ ва афзоиши содирот гирифта шудааст.
Девони вазирони Қирғизистон содироти пиёз ба хориҷро аз 1 феврал манъ карда буд. Он замон гуфта шуд, ки ин иқдом ба хотири таъмини амнияти ғизоӣ ва пешгирӣ аз болоравии нарх дар бозорҳои маҳаллӣ сурат мегирад.
Қаблан Қазоқистон ҳам содироти пиёзро барои се моҳ манъ карда буд. Ҳукумати Тоҷикистон низ содироти пиёзу картошка ва сабзиро ба хориҷа манъ кардааст.