Türkmen häkimiýetleri Lebap welaýatynyň käbir edara-kärhanalarynda we önümçilik zawodlarynda giň gerimli derňew geçirýär. Şu wagta çenli geçirilen derňewlerde korrupsiýa aýyplamalary bilen birnäçe kärhana ýolbaşçysy we jogapkär işgär tussag edildi. Bular barada Azatlyk Radiosynyň habarçylary we çeşmeleri habar berýärler.
Türkmenistanda dowam edýän maliýe ýetmezçiliginiň arasynda, Lebap welaýatynda raýatlar zähmet we pensiýa haklary bank kartlaryna geçmänkä, bankomatlaryň öňünde nobata ýazylyp başlaýarlar. Nobata ýazylýan adamlaryň sany 1000-den geçýär. Pul nagtlaşdyrmak bilen bagly bu kynçylyklaryň arasynda, bank kartlaryny ogurlaýan adamlar köpelýär. Bu barada Azatlyk Radiosynyň habarçylary 6-njy noýabrda Lebapdan habar berdiler.
Türkmenistanda koronawirus pandemiýasy bilen bagly görülýän çäreleriň çäginde, Mary şäheriniň aeroportundaky resmiler ilatdan pul almagyň täze usulyny oýlap tapdylar diýip, Azatlyk Radiosynyň habarçysy Aşgabatdan habar berýär.
Resmi metbugat ýurduň pagta plan borçnamasynyň üstünlik berjaý edilendigini habar berýän wagty, hem-de ýurtda welaýatlaryň arasynda pandemiýa sebäpli girizilen hereket çäklendirmeleri saklanyp galýan mahaly, häkimiýetler Lebabyň Farap etrabynyň ýaşaýjylaryny ýygym üçin Ahal welaýatynyň gowaça meýdanlaryna çekýär. Bu barada Azatlyk Radiosynyň habarçysy 6-njy noýabrda habar berdi. Onuň maglumatlaryna görä, pagta ýygmak üçin býujet işgärleri öz ornuna hakyna tutma adam ibermeli, kärendeçi daýhanlaryň bolsa ýygyma özleri gatnaşmaly. Читать дальше...
Ozalky wise-prezident Jo Baýden möhüm Jorjiýa ştatynda häkimiýet başyndaky Donald Trampdan öňe saýlandy. Ak Tam ugrundaky bäsleşikde bu möhüm özgeriş bolup, mundan öň prezident ýurduň demokratik prosesine garşy görlüp-eşidilmedik we esassyz öňe sürmeleri ýagdyrdy. Birnäçe media serişdesiniň maglumatyna görä, Jorjiýada sesleri sanamak işleriniň entek hem dowam etmegi bilen, 6-njy noýabrda Baýden 1 müň 96 ses bilen öňe saýlanypdyr. Eger-de Tramp Jorjiýanyň 16 elektoral sesini alyp bilmese, ol saýlawlaryň... Читать дальше...
Gyrgyzystanyň häkimiýetleri paýtagtyň ýerine ýetiriji häkimi Balbak Tulobaýewiň "simwoliki" diýip atlandyrýan Bişkegiň esasy hökümet binasynyň töweregindäki demir diwary we derwezeleri ýykdy. Tulobaew 6-njy noýabrda bu kararyň mejlisiň başlygy Talant Mamytowyň haýyşy boýunça kabul edilendigini aýtdy. Tulobaýew "Bu ideýa premýer-ministr we ýerine ýetiriji prezident Sadyr Japarow tarapyndan öňe sürüldi. Bu ädim häkimiýetler bilen adamlaryň arasyndaky ähli päsgelçilikleriň ýok bolandygyny görkezýän... Читать дальше...
Amerikanyň Birleşen Ştatlarynda koronawirus keseli bilen kesellänleriň sany pandemiýanyň tutuş dünýäde möwjemeginiň dowam edýän wagtynda yzly-yzyna ikinji gün bäri rekord derejesine ýetýär. Jon Hopkins uniwersiteti tarapyndan 5-nji noýabrda çap edilen maglumatlara görä, ABŞ-da bir günüň dowamynda tassyklanan COVID-19 keseliniň sany 123 085-e ýetdi. Bir günde 1 220-den gowrak adamyň ölendigi habar berildi. 4-nji noýabrda dünýä boýunça koronawirus ýokaşanlaryň we ölenleriň sany boýunça birinji ýerdäki ABŞ-da 99,660 täze kesel hasaba alnypdy. Читать дальше...
Kosowonyň öňki prezidenti Haşim Taçi uruş jenaýat sudunyň bildiren aýyplamasyndan soň işinden çekilmeginiň yzýany Gollandiýadaky tussaghana geçirildi. 1990-njy ýyllarda Serbiýadan garaşsyz bolmak ugrundaky söweşde partizanlaryň lideri bolan Taçi we Kosowony azat ediş goşunynyň (UCK) öňki iki agzasy "Gaagadaky Kosowo boýunça bilermenler öýüniň" tussaghanalaryna geçirildi diýlip, suduň 5-nji noýabrda ýaýradan beýanatynda aýdyldy. 1998-1999-njy ýyllardaky söweşde Kosowony azat ediş goşunynyň serkerdesi bolan Taçi... Читать дальше...
Göreş meýdanyna öwrülen ştatlardaky sesleriň sanalmagy bilen öňki wise-prezident Joe Baýdeniň ABŞ-nyň prezidentlik saýlawynda ýeňiş gazanmagyna ýakynlaşandygyny görkezýär. Bu aralykda ýurduň häzirki prezidenti Donald Trampyň ýurduň demokratik prosesine zeper ýetirýän esassyz we görlüp-eşidilmedik talaplary öňe sürýär. Ýeňijini entek belli etmedik dört esasy ştatdan üçüsinde, 6-njy noýabrda iki kandidatyň arasyndaky aralyk hasam azaldy, saýlaw merkezlerinden garaşylýan netijeler iki gün bäri aýdyňlyga garaşýan amerikalylary aladalandyrýar. Читать дальше...