Новости за 23.11.2020

Türkmen häkimiýetleri henize çenli ýurtda koronawirusyň hasaba alynmandygyny öňe sürýän mahaly, Aşgabatda we Lebapda COVID-19 alamatlary bilen keselleýän adamlar köpelýär. Paýtagtda söwda merkezleriniň ençemesi we dükanlar ýapyldy. Lebapda 1-nji dekabrdan başlap welaýatyň köp ugurly hassahanasyny karantine almak barada maslahat edilýär. Bu ýagdaýlar barada Azatlyk Radiosynyň habarçylary 23-nji noýabrda Aşgabatdan we Lebapdan habar berdiler.

Rus goşunynda hatarly esger Ramil Şamsutdinowyň sud diňlenişigi Sibiriň Çita şäherinde başlady. Ol geçen ýyl sekiz gullukdaşyny öldürmekde günäkärlenýär. Şamsutdinow munuň ýowuz “dedowşinanyň”, agalygyň netijesinde bolup geçendigini öňe sürýär.

Lebapda gara bazarda bir hepde mundan ozal 23 manatdan bahalanan dollaryň nyrhy 25,50-25,60 manada göterildi. Munuň bilen bir hatarda, hususy söwdada azyk we hojalyk harytlarynyň bahalary 10-15 göterim töweregi gymmatlady. Ýurtda dowam edýän nagt ýetmezçiliginiň arasynda Maryda öý goşlaryny azyk harytlara çalyşýan adamlar bar. Bular barada Azatlyk Radiosynyň habarçylary habar berýärler.

Türkmenistanyň Maliýe we ykdysadyýet ministrliginiň wekilleri Ýewraziýa toparynyň pul ýuwmaklyga we terrorçylygy maliýeleşdirmeklige garşy göreş boýunça (EAG) wideo konferensiýa arkaly geçirilen 33-nji umumy mejlisine gatnaşdy. Köptaraplaýyn ýygnak EAG-a agza 9 döwletiň, ýagny Belarusyň, Gazagystanyň, Gyrgyzystanyň, Orsýetiň, Täjigistanyň, Türkmenistanyň, Özbegistanyň, Hindistanyň, we Hytaýyň, wekilleriniň, şeýle hem guramada synçy statusyna eýe bolan birnäçe ýurduň, halkara we regional guramalaryň wekilleriniň gatnaşmagynda geçirildi. Читать дальше...

Mara Aşgabatdan ugradylan ýörite barlag komissiýasynyň saparynyň çäklerinde, welaýatyň hassahanalarynda gyssagly abatlaýyş işleri geçirilýär, lukmanlar dynç günleri hem işe çykmaga mejbur edilýär. Keselhanalaryň diwarlaryny boýamagy hem öz içine alýan abatlaýyş işleri hassalaryň gabat garşysynda alnyp barylýar, bu hem näsaglaryň saglyk ýagdaýlarynyň has hem ýaramazlaşmagyna sebäp bolýar.

“AstraZeneca” kompaniýasy koronawirusa garşy öz sanjymynyň 90% çenli täsir edip biljekdigini, dünýäde 58 milliondan gowrak adama ýokaşan, 1,4 milliona golaý adamyň ölmegine we dünýä ykdysadyýetine täsir eden global pandemiýa garşy göreşde täze açyş bolandygyny aýtdy. Oksford uniwersiteti tarapyndan işlenip düzülen sanjym, 23-nji noýabrda yglan edilen deslapky synag netijelerine görä, ýarym doza hökmünde, iň azyndan bir aý aralykda doly doza hökmünde kabul edilende COVID-19-yň öňüni almakda 90% täsirli bolupdyr. Читать дальше...

ABŞ-nyň habar beriş serişdeleriniň 22-nji noýabrda habar bermegine görä, ABŞ-nyň saýlanan prezidenti Jo Baýdeniň uzak wagtlap işleşen geňeşçisi we weteran diplomat Antoni Blinkeni döwlet sekretary wezipesine hödürlemegine garaşylýar. Blinken wezipä hödürlenip, Senat tarapyndan tassyklansa dört ýyllyk prezident Donald Trampyň halkara institutlaryny ret etmekden we ýaranlar hem bäsdeşler bilen çaknyşmakdan ybarat “Amerika ilkinji” syýasatyndan soň täze amerikan diplomatiýasy we halkara gatnaşyklary bilen işleşmeli bolar. Читать дальше...

Owganystan parahatçylyk ugrundaky gepleşikleriň gowşak gidýän wagtynda we COVID-19 pandemiýasynyň onsuzam agyr gumanitar ýagdaýyny agyrlaşdyrýan pursadynda şu hepdede geçiriljek halkara kömegi boýunça uly konferensiýada ýurda berilýän kömegiň hasam kesilmegine sezewar bolup biler. 23-nji we 24-nji noýabrda Ženewada geçirijek 2021-2024-nji ýyllar aralygynda ösüş maksatlaryna we planlaryna gönükdirilen wirtual konferensiýasyna 70-den gowrak ýurduň wekilleriniň we gumanitar işgärleriniň gatnaşmagyna garaşylýar. Читать дальше...

BMG çagalar fondy UNISEF ösýän 92 ýurda COVID-19 sanjymyny we 1 milliard şpris bermegi öz içine alýan “mamont operasiýasy” atly çäresini planlaşdyrýandygyny 23-nji noýabrda yglan etdi. Dünýäde waksinalaryň iň uly hyrydary UNISEF, adatça 100-e golaý ýurtda yzygiderli immunizasiýa we wiruslara garşy göreşmek üçin her ýylda 2 milliard dozadan gowrak sanjym satyn alyp berýär. "Bu deňi-taýy bolmadyk tejribe, sowuk şertleri berjaý etmek talabyna laýyklykda müňlerçe ýüküň iberilmegini sazlaşdyrmagy... Читать дальше...