Maryda gowaça çöpüni ýygnamak işleri bat alýar, gyşyň bosagasynda ýerler bugdaý ekişine taýýarlanýar

Türkmenistanda resmi taýdan sentýabryň başynda girişilen bugdaý ekişine Mary welaýatynyň köp gallaçysy aradan üç aý geçenden soň, häzir girişmäge taýýarlyk görýär. Welaýatyň dürli sebitlerinde häkimiýet wekilleri oba geňeşlikleriniň arçynlaryna pagta meýdanlaryny gowaça çöpünden arassalamak we bugdaý ekişine taýýarlyk görmek barada tabşyryk berdi. Bu barada Azatlyk Radiosynyň habarçysy habar berýär.