Göwreli žurnalist özüni garalajak bolandyklaryny aýdýar
Bişkek polisiýasy öten agşam paýtagtda gorkuzyp pul almakda aýyplanyp, kameraçysy bilen bilelikde tussag edilen hamyla žurnalist Sanrabiýa Satybaldiýewany tussaglykdan boşady.
Ikinji çagasyna garaşýan žurnalist häkimiýetleriň özüne töhmet atjak bolandyklaryny aýtdy.
Içeri işler ministrliginiň 4-nji noýabrda eden beýanatynda MIR24.kg habarlar web sahypasynda işleýän Satybaldiýewanyň we kameraçy Kalys Aşirbaýewiň 2016-2017-nji ýyllarda ýazgy edilen ses bilen gorkuzyp, hamala, kanun kanun çykaryjylardan 2000 dollar talap etmekde güman edilendigi aýdylýar.
Emma beýanatda gorkuzmak üçin ulanylandygy öňe sürülýän ses ýazgysynyň mazmuny anyklaşdyrylmaýar.