Новости за 24.11.2022

“Olary diri görkez!” kampaniýasy ÝHHG agza döwletleri Türkmenistanyň hökümetini ýurtda zor bilen ýitirim edilmeleriň öňüni almaga we adam hukuklarynyň gödek bozulmagynyň pidalarynyň maşgalalaryna adalat gözlemekde ýardam bermäge çagyrdy. 2002-nji ýylyň 25-nji noýabr wakalarynyň 20 ýyllygynyň öňüsyrasynda çap bolan bu beýanatda ýurtda dereksiz ýiten, ýagny ykbaly näbelli galýan, diridigine ýa ölendigine, boşadylyp-boşadylmandygyna subutnama bolmadyk adamlaryň sanawynyň ep-esli artandygy bellenýär. Читать дальше...

Bütindünýä saglyk guramasy Norwegiýanyň Helsinki komitetiniň Türkmenistanda tussaglykda saklanýan Nurgeldi Halykowyň ykbaly baradaky hatyna jogap berdi diýip, garaşsyz neşir "Turkmen.news" habar berýär.

Türkmenistanda ýurduň ýeke-täk mobil operatory bolan "Altyn Asyr" öýjükli aragatnaşyk kärhanasynyň hyzmatlarynyň hili pes bolmagynda galýar. Balkan we Ahal welaýatlarynyň köp etraplarynda ulgam arkaly iberilýän SMS hatlary giç gidýär, telefon jaňlarynyň hili we Internetiň tizligi barha ýaramazlaşýar.

Mary welaýatynyň häkimiýetleri okuwçylaryň arasynda watançylyk wagyz işlerini güýçlendirip, olara Türkmenistanyň prezidentini söýmegi we ýurduň ähli ýolbaşçylaryna ynam bildirmegi nesihat berýärler. Bu işlere ak sakgally ýaşulular hem çekilýär. Okuwçy gyzlara "ahlakly bolmak" tabşyrylyp, başyny örtüp, ýaglyk daňynmak nesihat berilýär.

Hytaý häkimiýetleri koronawirus ýokuşmasynyň bir gündäki iň ýokary derejesini - takmynan 31,700 adamyň Covid -19 bilen keselländigini hasaba aldy. TASS bu habary Hytaýyň arassaçylyk we saglyk baradaky döwlet komitetine salgylanyp çap etdi. Şol bir wagtda, bir gün öň hasaba alnan näsaglaryň 87 göterimi simptomsyz wirus ýokuşanlar boldy. 23-nji noýabrda Hytaýda COVID-19 näsaglygy sebäpli ýene bir adam öldi, ýurtda koronawirusdan ölenleriň sany 5223-e ýetdi. Mundan öň Hytaýda COVID-19 keseli bilen... Читать дальше...

Ermenistanyň premýer-ministri Nikol Paşinýan Kollektiwleýin howpsuzlyk şertnamasy guramasynyň (KHŞG) Ýerewanda geçirilen sammitinde KHŞG-nyň Kollektiwleýin howpsuzlyk geňeşiniň jarnamasynyň taslamasyna we Ermenistana kömek bermek boýunça bilelikdäki çäreler resminamasyna gol çekmekden ýüz öwürdi. Bu barda hökümetiň metbugat gullugy habar berdi. Sammitde çykyş eden Paşinýan guramany Azerbaýjanyň Ermenistana garşy alyp barýan işlerine syýasy baha bermäge çagyrdy, onuň pikiriçe, Azarbaýjanyň hereketleri agressiýa bolup durýar. Читать дальше...

Amerikanyň Birleşen Ştatlary, Halkara Ösüş Agentliginiň (USAID) üsti bilen, Özbegistana 410,000 dollar bahasy bolan 131 tonna azyk kömegini berdi diýip, ABŞ-nyň Daşkendäki ilçihanasy 23-nji noýabrda habar berdi. “Bu kömek ýurduň has mätäç raýatlarynyň 35 müňüsini üpjün etmek üçin 98 sany saglygy goraýyş we durmuş goragy edaralaryna paýlanyp berler” diýip habarda aýdylýar. Berilýän azyk kömegi Amerikanyň girdeji gözlemýän guramasy, “Resource and Policy Exchange” tarapyndan Daşkentde ýerleşýän hökümetden aýry gurama... Читать дальше...

Gurbanguly Berdimuhamedow geljek ýyl üçin döwlet býujeti hakyndaky kanunyň taslamasyna gaýtadan seretmegi teklip etdi diýip, türkmen metbugaty habar berýär. Şeýle-de onuň öz prezident bolan ýyllarynda çylşyrymlaşan maliýe, aýlyk haklary meselelerine biraz başgaça garap başlandygy aýdylýar. Bu habar ýurtda mejbury zähmetiň iň bir agyr görnüşleriniň biriniň, sowuk howada adamlaryň pagta ýygmaga çekilýän wagtyna gabat geldi. Türkmenistanyň Milli Geňeşiniň Halk Maslahatynyň 23-nji noýabrda geçirilen... Читать дальше...