BMG-niň Adam hukuklary geňeşinden Eýran barada ýörite sessiýa geçirmek haýyş edildi
11-nji noýabrda Birleşen Milletler Guramasynyň Adam hukuklary geňeşinden birnäçe hepde bäri dowam edýän ganly protestlerden sarsdyrylan Eýran barada şu aýyň ahyrynda gyssagly mejlis geçirmek haýyş edildi.
Bu barada Germaniýanyň we Islandiýanyň BMG-däki ilçileri geňeşiň Ženewadaky prezidentine ýörite hat iberdiler. Ilçiler hatda "Eýran Yslam Respublikasynda, esasanam aýal-gyzlar we çagalar babatynda adam hukuklarynyň ýaramazlaşýan ýagdaýyna garamak üçin... ýörite sessiýa geçirmegi" haýyş etdiler.
22 ýaşly Amini 16-njy sentýabrda Tähranda, hijabyny düzüw örtünmezlikde aýyplanyp tussag edileninden üç gün soň, polisiýa gözegçiliginde aradan çykmagy ýurduň şäherlerinde hökümete garşy nägilelik tolkunyny döretdi.
Mundan soň, ýurduň köp künjeginde hökümete garşy protestler başlandy.
Häkimiýetleriň bulary basyp ýatyrmagy netijesinde azyndan 277 adam, şol sanda 40 çaga öldürildi diýip, Eýranyň Osloda ýerleşýän Adam hukuklary topary geçen hepde mälim etdi.