Putin AHG-den hukuk we media hünämenlerini çykardy

Russiýanyň prezidenti Wladimir Putin ýurduň Adam hukuklary geňeşinden (AHG) on adamy – esasan adam hukuklaryny goraýjylary we žurnalistleri çykaryp, şol bir kararda Geňeşe Russiýanyň uruşparaz pozisiýasyny goldaýan adamlary aldy.


Geňeşden çykarylanlaryň arasynda "Gynamalara garşy komitetiň" öňki başlygy Igor Kalýapin, Sankt-Peterburgyň Adam hukuklary geňeşiniň jogapkär sekretary Natalýa Ýewdokimowa, Moskwa döwlet uniwersitetiniň kafedra müdirleri Aleksandr Asmolow we Iwan Zasurskiý hem bar.


Şeýle-de, "Sowa" maglumat we seljeriş merkeziniň müdiri Aleksandr Werhowskiý, žurnalistler Nikolaý Swanidze we Ýekaterina Winokurowa geňeşden çykaryldy.


Adam hukuklary geňeşiniň prezidiumyndan çykarylan adam hukuklary aktiwisti Andreý Babuşkin şu ýylyň maý aýynda aradan çykdy.