د سعودي عرب په پلازمېنه ریاض کې د ښځو یوه ډله په روژه کې د صحت ښه ساتلو لپاره شپې مهال له کورونو بهر پر سړکونو منډه وهي او په پارکونو کې ورزش کوي. دا په داسې حال کې ده چې په تېرو کلونو کې په هغه هېواد کې حکومت پر ښځو د محدودیتونو کمولو ته دوام ورکړی دی. د رویټرز اژانس له ویډیو جوړ رپورټ.
د تېر کال په څېر سږ کال هم په خوست کې د روژې ۱۰ اووره کرکټ لیګ په نوم سیالۍ پیل شوې دي چې پکې ۱۶ لوبډلې برخه اخلي. په سیالیو کې د افغانستان د کرکټ یوشمېر نومیالي لوبغاړي هم ګډون کوي. د لیګ منتظمین وايي، د کرکټ لوبو لیدو ته ګڼ خلک ورځي. ویډيويي رپورټ.
د بلوچستان د کورنیو چارو وزیر ضیالله لانګو دا څرګندونې تر هغې دوه ورځې وروسته وکړې چې د پاکستان د بشري حقونو کمېشن په بلوچستان کې د واقعیتونو موندلو په اړه رپورټ خپور کړ چې پکې راغلي چې د هغې صوبې په ولس کې د ریاست پر وړاندې غصه زیاته شوې ده.
اسوشيېټېډ پریس اژانس په کابل کې د یو بل ديني عالم، توريالي همت چې په افغانستان کې د طالبانو د حکومت برخه دی، له خولې ليکلي چې نجونو ته باید د زده کړو زمينه برابره شي.
د اپرېل پر نهمه سرکاري وکیل د اسلام اباد له مجسټرېټه وغوښتل چې ګنډه پور دې د پوښتنو په موخه ورته د پینځو ورځو لپاره وسپاري، خو قاضي ورته یوازې د یوې ورځې تحویل ورکړ.