د کرزي پر رسمي ټويټر پاڼه ليکل شوي چې په پرونۍ (د اپرېل پر ۲۴مه) لیدنې کې دواړو په کورنیو او نړیوالو موسسو کې کارونو ته د افغان ښځو د بیا ستنېدو او د تعلیمي مراکزو د بیا پرانیستلو پر اهمیت ټينګار وکړ.
پاکستانيو رسنيو د صحت د مرکزي وزير عبدالقادر پټېل په حواله ويلي چې حکومت يې ژمن دی چې د ماشومانو د واکسينولو او د هغوی د راجسټرولو چارو کچ ۱۰۰ فيصده ته ورسوي.
په افغانستان کې د خاورینو لوښو کاروباریان وايي چې په بازارونو کې د پلاسټيکي لوښو او ګلدانونو له وجې د دوی د لوښو کاروبار اغېزمن شوی دی. دوی زیاتوي چې له پاکستان، ایران او چین څخه دغه هېواد ته پلاسټيکي شیان صادرېږي چې له وجې یې خلک اوس زیاتره خاورین لوښې نه اخلي.