Путинна вониг аларна - гIуда, пачхьалкхан къайле ястарна - набахти
Краснодар-махкахь кхел йина Путин коррупцин да ву аьллачунна; "Э" центран хьаькам Эльджаркиев верна лоьцуш бу гIалгIай; Ростов-махкарчу набахтийн куьйгалхо ша ву хьажош набахте.
Краснодар-махкахь кхел йина Путин коррупцин да ву аьллачунна; "Э" центран хьаькам Эльджаркиев верна лоьцуш бу гIалгIай; Ростов-махкарчу набахтийн куьйгалхо ша ву хьажош набахте.
Ростов-махкарчу набахтешна тIехьожуш хилла Даххаев Муслим кхин а кхаа баттахь кхобур ву талламан изоляторехь, хаам бо Интерфаксо. Даххаев лецира стохка гурахь пачхьалкхан къайле Iораяккхарна (Бехктакхаман кодекс, 283) иштта бовзуьйту цунна дуьхьалбаьккхина бехк цуьнан адвоката. Набахтийн урхаллин (ФСИН) директоран гIовса Максименко Валерийс хьалхо хаийтира Даххаевна пачхьакхан къайле ястар бехкедеш хилар. Иза ша цхьаъ ву бехктакхаман гIуллакхехь. Чоьхьарчу гIуллакхийн министраллерчу ницкъийн инарла-майор... Читать дальше...
ГIурбанна бежанан я уьстагIан сагIа декъар ламаст хилла лела тахана хIора нохчочунна. Самалхе, синкъераме де ду иза массарна а. СагIа «кхоччуш къобал хиндолу» миска доьзал, бонаш, де эшнарш лоху кху дезачу дийнан тойнах кхетийтархьама хIора а бусалбано. Нохчийчохь массо а нехан бу сагIех кхетийта къастийна мисканаш, беза-бевза пекъарш, дика нах.
ГIалгIайчуьра бизнесхо Полонкоев Хьасан бехкево Iедало стаг вен гIера кечъярна а, терроран тохарш ден тоба кхолларна а. Иза воцуш, кхин а 11 стаг ву стохка Дечкен-баттахь экстремизманна дуьхьалоечу урхаллин ГIалгIайчуьрчу декъан куьйгалхо Эльджаркиев ИбрахIим вен гIортарна жоьпе ийзочу нехан декъахь, боху ТАСС агенталло. Эльджаркиев вийра стохка гурахь Москвахь. Ткъа оцу хенал итт бутт хьалха а гIоьртира иза вен. КIелоярна бехкебо талламчаша ГIалгIайчуьра БатIал-Хьаьжин вирдера мурдаш. Талламо бахарехь... Читать дальше...
Евробарто еарин дийнахь визийн а, финансийн а санкцеш кхайкхийна Оьрсийчоьнан тIеман талламан сервисан структурина дуьненерчу тайп-тайпанчу меттигашкахь шуьйра кибертIелатарш дарехь дакъалацна хиларна. Цунах лаьцна хаам бо "Американ аз" портало. Исторехь дуьххьара киберзуламаш дарна Евробартан санкцеш хьакхаелла Оьрсийчоьнан ТIеман ницкъийн Коьртачу Талламан урхаллан (ГРУ) лерринчу технологин Коьртачу центрах. Европан Барто бехке йо и леррина сервис 2017-чу шарахь Европерчу компанешна дуьхьал... Читать дальше...
Алиева Лизин, ГIалгIайчуьрчу яхархочун, арз Европан адамийн бакъонашкахула йолчу кхеле дIакхачийна адвокаташа. Шен йиша Марем ницкъаша доьза яйъина хилар тIечIагIдайта гIерта и зуда. Иштта хаам бина Кавказ.Реалиига цунна юридикан гIо кхачош йолчу "Бакъонан инициатива" проектан векалша. ХIусамехь гIелоярх лаьцна Страсбургехь дуьххьара луьсту дов хир ду иза Оьрсийчоьнна. Алиева Лиза дуьххьара йолуш а яц Европан кхеле. Лурчах Iай цо Страсбурге хьажийра ша цIера ядорах а, ша ядийнарш Оьрсийчоьно таIзар ца деш битарх а лаьцна. Читать дальше...
30 эзар сом гIуда тоьхна Краснодар-махкарчу Ейскерчу кIоштан кхело меттигерчу вахархочунна Макухин Николайна. Иза бехкевина Iедал сийсаздеш йолу информаци яржорна. Facebook машанерчу цхьана дискуссехь цо яздина хилла, Оьрсийчоьнан президент Путин Владимир коррупцин декъахь ву аьлла. Кхело шен сацам (Оьрсийчоьнан административан низам талхорах йолчу кодексан 20-1, 3 дакъа) хIоттийна деккъа дIа полицин белхахоша яздинчу протоколийн а, рапортийн а буха тIехь. Яц яйтина Макухинан йозанашна экспертиза. Читать дальше...