Edhe katër marrëveshje të "Ballkanit të Hapur"

Liderët e Maqedonisë së Veriut, Serbisë dhe Shqipërisë, nënshkruan katër marrëveshje të reja në kuadër të nismës “Ballkani i Hapur”. Në takimin e mbajtur më 8 qershor në Ohër, morën pjesë edhe përfaqësuesit e Malit të Zi dhe Bosnjë e Hercegovinës, që shprehën dëshirën t’i bashkohen nismës, por thanë se për këtë duhet vendim politik. Përkrahje për këtë nismë ka shprehur edhe i dërguari i posaçëm i SHBA-së për Ballkanin Perëndimor, Gabriel Escobar.