Кху беттан юьххьехь Австрехь вийна Нохчийчуьра политикан эмигрант Умаров Мамихан (Венера Анзор) доккха орца а даьлла, дIавоьлли. Полисхой а, къайлахчу сервисийн белхахой а цхьана бара ха деш, тIеозийна. Цуьнан тезетахь гулбеллера нохчийн диаспоран векалш, Анзоран гергарнаш, доьзал. Цунах йиссина хIусамнана Зарема тешна ю, тешнабехкаца шен цIийнда вийнарг Кадыров Рамзан ву аьлла.
