Новости за 19.10.2022

Бишкек-Нарын-Торугарт жолундагы Кубакы ашуусу аркылуу каттам аба ырайы калыбына келгенче жабылды. Бул тууралуу Жол коопсуздугун камсыздоо башкармалыгы (ЖККБ) маалымдады. Ага ылайык, Кубакы ашуусуна түшкөн кардын калыңдыгынан улам бардык унаалар үчүн каттам Балыкчы шаары аркылуу уюштурулууда. Мындан тышкары Бишкек-Ош жолундагы Төө-Ашуу, Ала-Бел, Бишкек-Талас-Тараз жолундагы Өтмөк ашуулары аркылуу каттамда оор жүк ташуучу унаалардын кыймылына чектөөлөр алына элек. Бул ашууларда жолду тазалоого керектүү техника тартылып... Читать дальше...

Орусия курамасынын мурдагы оюнчусу Дмитрий Хохлов Фейсбукту сотко берип, доого жыкты. Орусиянын соту социалдык тармакты мурдагы футболчуга 65 млн. рубль доо айыпка жыгып, андан тышкары, бир ай ичинде Хохлов деген фамилия менен билдирүүлөрдүн баарын бөгөттөн чыгарууга милдеттендирди. Дмитрий Хохлов Фейсбукту өзүнүн фамилиясы үчүн такай бөгөттөлө бергендигинин себебинен сотко берген. Meta компаниясы Москванын Солнцевски сотунун бул чечимин аткарабы же жокпу белгисиз. Америкалык компания комментарий берген жок.

Кыргызстандагы 1735 мектепте башталгыч класстардын окуучулары үчүн бир маал ысык тамак берилет. Мунун ичинен 638 мектеп БУУнун Азык-түлүк программасынын алкагындагы долбоордон каржыланса, "Мерсико" компаниясы 510 мектептеги балдардын ысык тамагын уюштурууну моюнуна алган. Билим берүү жана илим министрлиги быйылкы окуу жылында 62 мектепте ысык тамак бериле баштаганын, алар Орусиянын жана Дүйнөлүк азык-түлүк программасынын алкагындагы "Мектептеги тамакты оптималдаштыруу" долбоорунан каржыланып жатканын билдирди. Читать дальше...