Кыз-келиндер күрөшү боюнча улуттук кураманын кубанычы чексиз. Үч кабаттан турган комплексте үч күрөш килеми бар жана 30 кыз бир учурда машыга алат. 35 адамга ылайыкташкан жатакана, машыгууга керектүү шаймандар жана 3-4 орундуу конок бөлмөлөрү, тамактануучу, жуунчу жайлар да каралган.
Өкмөт Жогорку Кеңеште Баткенди калыбына келтирүү жана күз-кыш мезгилине даярдык боюнча маалымат берди. Кыргызстандын 7 миллионунчу жараны Баткен облусунун Кызыл-Кыя шаарында 19-октябрга караган түнү саат 2:10до төрөлдү. Бишкекте кыз-келиндер күрөшү үчүн машыгуу жайы ачылды.
Өкмөт Жогорку Кеңеште Баткенди калыбына келтирүү жана күз-кыш мезгилине даярдык боюнча маалымат берди. Министрлер кабинетинин төрагасы Акылбек Жапаров кыргыз-тажик чек арасындагы чырда Баткенде турак жайы жарыксыз болуп калгандарга суук түшкөнчө үйлөрүн куруп берүү аракети көрүлүп жатканын айтты. Айрым депутаттар иштер жай жүрүп жатканын сынга алышты. Акылбек Жапаров 19-октябрда Жогорку Кеңеште Кыргызстан менен Тажикстандын чек арасындагы акыркы куралдуу кагылышуу тууралуу маалымат берди. Ал... Читать дальше...
Кыргызстандын Улуттук коопсуздук боюнча мамлекеттик комитетинин (УКМК) Чек ара кызматы Тажикстандын Чек ара кызматынын кыргыз тарапты айыптаган билдирүүсүнө жооп кайтарды. 19-октябрда жарыяланган билдирүүдө тажик тарап чындыкка дал келбеген маалымат жайылтып, чек ара тилкесинде жашаган элди мыйзамсыз аракеттерге түртүү үчүн бурмалап жатканы айтылат. Буга мисал катары Кыргызстандын Чек ара кызматы Тажикстандын “кыргыз тарап аскердик техникасын Баткенге чогултууда” деп таратып жаткан сүрөттү быйыл... Читать дальше...
Канада 20-октябрда дүйнөнүн аял тышкы иштер министрлеринин онлайн жыйынын өткөрөт. Анда хижаб маселесинен улам камакта көз жумган кыздын өлүмүнөн кийинки Ирандагы башаламандык талкууланат. Канаданын тышкы иштер министри Мелани Жоли жыйын тууралуу 19-октябрда жарыялап, Ирандагы аялдардын жана адам укуктарынын "оор абалын" талкуулоого мүмкүнчүлүк берилерин айтты. "Иран режими элге каршы зомбулуктун жана куугунтуктун бардык түрлөрүн, өзгөчө аялдарга карата ырайымсыз агрессиясын токтотушу керек", - деди Жоли. Читать дальше...
Бишкекте кыз-келиндер күрөшү боюнча улуттук курама команда үчүн машыгуу залы ачылды. Үч кабаттан турган комплексте үч күрөш килеми бар жана 30 кыз бир учурда машыга алат. Жаңы имаратта 35 адамга ылайыкташкан жатакана, машыгууга керектүү шаймандар жана 3-4 орундуу конок бөлмөлөрү, тамактануучу, жуунуучу жайлар да каралган. Архитектура, курулуш жана турак жай коммуналдык чарба мамлекеттик агенттигинин директору Нуртазин Жетыбаевдин маалыматына караганда, спорт комплексти курууга 98,7 миллион сом сарпталган. Читать дальше...
Кыргызстандын 7 миллионунчу жараны Баткен облусунун Кызыл-Кыя шаарында 19-октябрга караган түнү, саат 2:10до төрөлдү. Ошентип, өлкө калкынын саны жети жылда 1 миллионго көбөйдү. Кыргызстан калкынын санынын өсүшү боюнча Борбор Азияда экинчи орунда турат. Саламаттык сактоо министрлиги билдиргендей, Кыргызстандын калкын 7 миллионго жеткирген ымыркай Кызыл-Кыя шаарынын тургуну, фермер Валижан Абдурасуловдун үй-бүлөсүндө төрөлдү. Апасы - Айжаркын Сыраждинова, 1982-жылы туулган. Бул анын төртүнчү баласы. Читать дальше...
Баткенде соңку чек ара коогалаңында жараат алгандардын 9у Бишкектеги ооруканаларда дарылануусун улантууда. Бул тууралуу 18-октябрда “Азаттык” радиосуна Саламаттык сактоо министрлигинин жарандык коргоо секторунун башкы адиси Кубаныч Калмаматов билдирди. “Бирөө Бишкек шаардык тез жардам ооруканасында, калгандары Улуттук госпиталда жатат. Баарынын абалы орточо туруктуу. Баарын чыгарганга даярдап жатышат”. Калмаматовдун айтымында, бейтаптардын баары эркектер, арасында аскер кызматкерлери да бар.... Читать дальше...
Жогорку Кеңештин депутаты Камила Талиева Кыргызстан менен Тажикстандын чек арасындагы куралдуу кагылыштан кийин Баткен облусунун айылдарын калыбына келтирүү иштери начар жүрүп жатат деп эсептейт. Бул тууралуу ал 19-октябрда Жогорку Кеңештин жыйынында билдирип, өкмөт “Баткен облусунун макамы жөнүндө” мыйзамды да аткарбай жатат деп сынга алды. "“Баткен облусунун макамы жөнүндө” деген мыйзамдын эле аткарылышын алып көрөлү. Президенттин жарлыгы чыгып, 500 млн сом бөлүнгөн. Анын бир сому да иштетилген жок. Читать дальше...
Министрлер кабинетинин төрагасынын орун басары Бакыт Төрөбаев кыргыз-тажик чек арасындагы акыркы куралдуу кагылышууда Кыргызстандын каза болгон 63 жаранынын 48и аскер кызматкерлери, 15и жергиликтүүлөр экенин айтты. Андан тышкары 206 киши ар кандай жаракат алды. Анын 145и жоокерлер, 60ы карапайым адамдар. 14-17-сентябрдагы кыргыз-тажик чек арасындагы куралдуу кол салуудан Кыргызстандын айылдарынан 661 турак жай зыян тарткан. Анын 423ү жашоого жараксыз болуп калган, 238 үйдү оңдош керек. Ошондой эле 14 мектеп... Читать дальше...
Министрлер кабинетинин төрагасынын орун басары Бакыт Төрөбаев Жогорку Кеңештин 19-октябрдагы жыйынында Кыргызстан 2022-жылы 16,2 млрд. кВт/саат электр энергиясын керектей турганын билдирди. Анын сөзүнө караганда, өлкө ГЭСтерден 11 млрд. 500 млн. кВт/саат электр энергиясы, Бишкек Жылуулук электр борборунан (ЖЭБ) 2 млрд. электр жарыгы өндүрүлөт. Калган 3 млрд. кВт/саат электр энергиясы чет жактан импорттолот. “9 айдын ичинде 9,3 млрд. кВт/саат электр энергиясы өндүрүлдү. Бул 1,4 млрд. кВт/саат электр энергиясына аз. Читать дальше...
Министрлер кабинетинин төрагасы Акылбек Жапаров 30 жылдын ичинде 650 миңден ашык кыргызстандык Орусиянын жарандыгын алганын билдирди. Бул тууралуу ал 19-октябрда Жогорку Кеңештин жыйынында айтты. Парламенттеги өкмөттүк саатта Акылбек Жапаров миграция боюнча маалымат берди. Анын сөзүнө караганда, Кыргызстандын жарандары көбүнчө Евразиялык экономикалык биримдигине (ЕАЭБ) мүчө өлкөлөр – Орусия жана Казакстанга иштегени кетет. Расмий маалымат боюнча Орусияда миллиондон ашык кыргызстандык иштеп жүрөт. Читать дальше...
Кыргызстандын калкы расмий түрдө жети миллионго жетти. Өлкөнүн жети миллионунчу жашоочусу бүгүн 19-октябрга караган түнү саат 2:10дө Баткен облусунун Кызыл-Кыя шаарында төрөлгөн уул бала болду. Бул окуяга байланыштуу президент Садыр Жапаров Улуттук статистика комитетинин төрагасы Бактыбек Кудайбергеновду жана саламаттыкты сактоо министри Гүлнара Баатырованы кабыл алды. Гүлнара Баатырованын маалыматы боюнча, 7 миллионунчу кыргызстандык фермер Валижан Абдурасуловдун үй-бүлөсүндө төрөлдү. Апасы - Айжаркын Сыраждинова, 1982-жылы туулган. Читать дальше...
Министрлер кабинетинин төрагасы Акылбек Жапаров 19-октябрда Жогорку Кеңеште Кыргызстан менен Тажикстандын чек арасындагы акыркы куралдуу кагылышуу тууралуу маалымат берди. Ал чек арадагы соңку окуядан кийин Баткенде аскер күчтөрүн кубаттандырып, жергиликтүү калктын өзүн-өзү коргоо моделин өзгөртүү зарылчылыгы пайда болгонун билдирди. Эки өлкөнүн чек ара маселесин чечүү маселесинде Орусиядагы карталар карала турганын айтты: “Кыргыз-тажик чек арасына акыркы чекитти коюу үчүн Орусия Федерациясы да өзүнүн позициясын билдирди. Читать дальше...
Европадагы коопсуздук жана кызматташтык уюмунун (ЕККУ) медиа өкүлү Тереза Рибейро тажик бийлигин белгилүү журналист жана блогер Далер Имомалини тез арада бошотууга чакырды. Рибейро 18-октябрда Telegram баракчасына сот өкүмүнө таң калганын жазып, “Тажикстандагы сөз эркиндигине дагы бир сокку болду” деп билдирди. Ал Имомалинин камалышын кесиптик ишмердигине байланыштырды. 34 жаштагы Имомалиге чыгарылган өкүмдү Журналисттерди коргоо комитети (CPJ) да айыптады. Уюмдун Европа жана Борбор Азия боюнча... Читать дальше...
Баткен облусунун Кадамжай районунда ата-баланын киши колдуу өлүмүнө байланыштуу милиция Кылмыш жаза кодексинин 122-беренеси ("Адам өлтүрүү") менен кылмыш ишин козгоду. Тиешелүү экспертизалар дайындалганын милициядан билдиришти. Маалыматка караганда, 29 жана 61 жаштагы жарандар Кадамжай районунун Марказ айыл аймагынын Көк-Талаа айылынын тургундары. Аларды 18-октябрдын түнү белгисиз адамдар атып кетишкен. Үйдүн 59 жаштагы кожойкеси сабалган. Кылмышка баргандар алардын сарайын өрттөп, короодо токтоп... Читать дальше...
Ирандагы мектепте өлкөнүн жогорку руханий лидери, аятолла Али Хаменеини даңазалап ырдоодон баш тартканы үчүн күч кызматкерлери сабаган 16 жаштагы Асра Панахи ооруканада кайтыш болгондон кийин нааразылыктар кайра тутанды. The Guardian басылмасы билдиргендей, окуя 13-октябрда Ардебил шаарында болгон. Иран мугалимдеринин кесиптик бирикмесинин координациялык кеңеши кабарлагандай, күч кызматкерлери ал күнү мектепке келип, кыздардан руханий лидерди даңктаган ырларды ырдоону талап кылышкан. Талапты аткаруудан баш тарткан кыздар сабалып... Читать дальше...
20-октябрда түнкүсүн Ысык-Көл, Нарын облустарынын көпчүлүк аймактарында, Жалал-Абад, Чүй облустарынын тоо этектеринде жана тоолуу райондорунда жаан, кар, Чүй, Ош, Жалал-Абад, Ысык-Көл облустарынын тоолуу аймактарында кар жаашы күтүлөт. Чүй, Жалал-Абад облустарынын өрөөндөрүндө, Ош облусунун дыйканчылык аймактарында жана Талас, Баткен облустарында жаан-чачын жок. Батыштан соккон шамалдын ылдамдыгы секундуна 4-9 метрге жетет. Абанын температурасы: Чүй өрөөнүндө түнкүсүн 0…5, күндүз 14...19; Талас өрөөнүндө түнкүсүн -2…+3... Читать дальше...
Улуттук статистика комитети тогуз айда күнүмдүк азык-түлүктүн баасы менен тарифтер былтыркы жылдын ушул мезгилине салыштырмалуу орточо 10,6% өскөнүн жарыялады. Бул дүйнөлүк кризистин капшабы жана импорттук товарлардын чыгымынын көбөйгөнү менен түшүндүрүлүп жатат. Ал эми тургундар кымбатчылык ар тараптан куушуруп, кыйнап жатканына даттанууда. Өп-чап турмушта жашагандар Ысык-Ата районунун Нурманбет айылынын тургуну, 70 жаштагы Замиркүл эки майып уулун жалгыз багат. Балдары менен өзүнүн пенсияларын кошкондо айына 13 300 сом алат. Читать дальше...
Акыйкатчы Атыр Абдрахматова Кыргызстанда жашап жаткан ооган жарандарынын укугу тууралуу маселени эл аралык уюмдар катышкан эксперттик жыйында көтөрдү. Жыйында 2000-жылдары Ооганстандан качып келген ондогон үй-бүлө алигиче качкын макамын ала албай жатканы айтылды. Ушундан улам алардын Кыргызстанда жүрүүгө жана иштөөгө уруксат берген документтери да жок экени маалым болду. Акыйкатчы институтунун эксперттери БУУнун "мандаттуу качкын" макамын алган 30 үй-бүлөнүн 129 мүчөсүнүн суроо-талаптары, жашоо-шарты боюнча иликтөө жүргүзүп... Читать дальше...
Кыргызстандын коргоо министрлиги 2021-жылдан бери Беларустун "БелТехЭкспорт" ишканасы менен сүйлөшүүлөрдү жүргүзүп, абадагы соккудан коргонуучу "Печора 2БМ" зениттик-ракеталык комплексин сатып алууга келишим түзгөн. Комплекс октябрдын аягында Кыргызстанга жеткирилип, Баткен облусунун аймагына жайгаштырылат. Бул тууралуу коргоо министри Бактыбек Бекболотов 19-октябрдагы маалымат жыйынында билдирди. Министр канча комплекс алынары тууралуу так айткан жок. "Печора 2БМ" системасы мурдагы С-125 комплексинин... Читать дальше...
Кыргызстандын коргоо министри Бактыбек Бекболотов кыргыз-тажик чек арасына Жамааттык коопсуздук келишим уюмунун (ЖККУ) бейпилдик күчтөрүн коюуну аймактык бирикменин жетекчилигине сунуш кылганын 19-октябрда маалымат жыйынында билдирди. "Мен ЖККУнун баш катчысы Станислав Зась менен жолугушууда уюмдун бейпилдик күчтөрүн кыргыз-тажик чек арасына коюуну сунуштадым. Мен тажиктер менен кыргыздардын ортосунда эч качан тынчтык болбосун, ар бир тарап өз чындыгынан тайбай жатканын айттым. Биздин ортобузда... Читать дальше...
Жогорку Кеңештин Эл аралык иштер, коргоо, коопсуздук жана миграция боюнча комитетинин жетекчиси Чыңгыз Айдарбеков президент Садыр Жапаров менен жолугушканын 19-октябрда парламенттин сессиясында билдирди. "Урматтуу Садыр Нургожоевич, кечээ күнү сиз менен жолугуп, пикир алыштык. Диалогго дайыма даяр экениңизге күбө болдум. Кандай болбосун бул чечим тарыхта калат. Мамлекет үчүн баарыбыз күйүп турабыз. Тең салмактуу чечим кабыл алынат деп терең ишенем. Кошоматчылардын табияты туруктуу эмес. Бүгүн кошоматчылар - эртең саткындар. Читать дальше...
Орусиянын Краснодар крайындагы Ейск шаарында турак жайга аскердик учак кулаганда каза тапкандардын саны 15ке жетти. Курман болгондордун үчөө - балдар. Дагы 19 киши жараат алган, алардын төртөө реанимацияда жатат. Издөө-куткаруу иштери аяктады. Ейск районунда 17-октябрдан 19-октябрга чейин аза күтүү жарыяланган. Кыйраган көп кабаттуу үйдү калыбына келтирүү чечими азырынча кабыл алына элек. 675 киши жашаган турак жайдын 72 батири зыян тартты. 17-октябрда аскердик Су-34 учагы машыгуу учурунда... Читать дальше...
Ош облустук милициясынын басма сөз кызматы Өзгөн районунун Кызыл-Октябрь айылынын эки тургуну милицияга чакырылганы тууралуу түшүндүрмө берди. Милициянын маалыматында 17-октябрдын кечинде Вотсаптагы "Кемпир-Абад кыргыз жери" деп аталган тайпада Кызыл-Октябрь айылынын тургундарын 18-октябрда саат 10:00дө Ош-Бишкек автожолун тосууга чакырып, аудио маалымат таратканы айтылат. "Ал маалымат Өзгөн райондук милициясынын атайын журналына катталып, Вотсаптагы үндүн ээси аныкталган. Ага ылайык, 18-октябрь... Читать дальше...