Новости за 08.12.2023

Ватан Геройлары көне алдыннан бүген мэриядә Лениногорск районы башлыгы Рәгать Хөсәенов махсус хәрби операциядә бурычын үтәгәндә һәлак булган Ренат Насыйбуллинның әнисенә Батырлык ордены таныклыгын тапшырды. Бу хакта «Заман сулышы» хәбәр итә.

Россиядә табиблар пациентларда онкология авыруларын ачыклаган очракта стимуллаштыру чараларын арттырачаклар. РФ Президенты Владимир Путин ярдәм вариантларын, шул исәптән белгечләргә түләүне арттырырга кушты.

Бүген Чувашиянең Чабаксар шәһәрендә Идел буе федераль округы субъектларының дәүләт хакимияте Закон чыгару (вәкиллекле) органнары ассоциациясенең җитмешенче, юбилей утырышы узды. Анда авыл халкына медицина ярдәменнән файдалану һәм инициативалы бюджетлаштыру мәсьәләләре буенча фикер алыштылар. Моннан тыш, парламентарийлар Ассоциациянең 2024 елга эш планын раслады. Утырышта Дәүләт Советы Рәисе Фәрит Мөхәммәтшин катнашты. Бу хакта Татарстан Республикасы Дәүләт Советы матбугат хезмәте хәбәр итә.

Россия Президенты Владимир Путин федераль судьяларны билгеләү турында указга кул куйды. Тиешле документ хокукый актлар рәсми порталында урнаштырылган.

РФ Дәүләт Думасы депутаты Әлфия Когогина «Татар-информ»га РФ Президентының үзен яңа срокка тәкъдим итүе турында карарына үз фикерен әйтте.

2023 елның 25 декабреннән 2024 елның 8 гыйнварына кадәр Татарстанда янгынга каршы махсус режим кертелә. Бу хакта Россия Гадәттән тыш хәлләр министрлыгының Татарстан буенча баш идарәсе матбугат хезмәтендә хәбәр иттеләр.

АИ-92 маркалы бензинның бәясе 7 процентка яки тоннасына 41,6 мең сумга кадәр арзанайган. АИ-95 маркасының бер тоннасы 4 процентка — 46,34 мең сумга очсызланган. Мондый мәгълүматлар Санкт-Петербург халыкара товар-чимал биржасыннан 2023 елның 8 декабренә карата килә. Бу — Россиянең Европа өлешендә уртача бәяләр, диелә мәгълүматта. Шунысы кызык, бу ягулык төрләре соңгы тапкыр 2023 елның февраль ахырында шулай бәяләнгән.

Россия Президенты Владимир Путинның яңа срокка тәкъдим ителү турында карарын Татарстанның үзиреклелек мәгълүмати-ресурс үзәге хуплый. Бу хакта «Татар-информ»га оешманың башкаручы директоры Айрат Мөбәрәкшин сөйләде.

Чаллыдан 22 яшьлек Данила Абрамов 26 октябрьдә мобилизацияләнә. Кече лейтенант фикеренчә, Владимир Путин — бу авыр вакытта ил белән идарә итә алган бердәнбер кеше.

Татарстаннан Россия Герое Рәсим Баксиков Владимир Путинның яңа президентлык срогына тәкъдим ителү карарын хуплады.

Россия Федерациясе Президенты Владимир Путинның яңа срокка тәкъдим ителүе – Россия өчен зур уңыш. Икътисадны, дипломатияне, социаль һәм башка мәсьәләләрне яхшы белгән мондый дәрәҗәдәге сәясәтче, дөнья күләмендә хөрмәтле лидер – конкурентлы өстенлегебез. Казан инновацион университетының беренче проректоры, ТР Дәүләт Советы депутаты, юридик фәннәр докторы, профессор Игорь Бикеев шул фикердә.

Казан кооператив институтының Дәрдемәнд исемендәге Татар мәдәнияте үзәгендә «Пар канатлар» дип исемләнгән гаилә бәйрәме кичәсе булды.

Россия Президенты Владимир Путинның 2024 елгы Президент сайлавында катнашу нияте – көтелгән карар, чөнки ул бер шиксез илебезнең җитди лидеры һәм иң ачык кандидаты. Бу хакта «Татар-информ»га Иннополис лицеенда математика укытучысы, Татарстанның 2023 елда иң яхшы укытучысы исеменә лаек булган һәм «Россиянең ел укытучысы-2023» бәйгесендә призер булган Арман Костанян әйтте.

Россия вузларында белем алучылар дәүләттән саллы ярдәм тоя, шуңа күрә яшьләр Россия Президенты Владимир Путинның яңа срокка тәкъдим ителү карарына позитив карый. Бу хакта «Татар-информ»га «Татарстан Республикасы Студентлар лигасы» төбәк яшьләр оешмасы президенты Шамил Якупов хәбәр итте.

Якын көннәрдә Татарстанда аномаль салкын һава торышы сакланачак. 9 һәм 10 декабрь төнендә һәм иртәсендә һава температурасы -30..-35 градуска кадәр төшәчәк, урыны белән көнчыгыш һәм төньяк районнарда -40 градуска кадәр суытачак. Бу хакта республиканың Гидрометүзәгендә кисәтәләр.

Россия Президенты Владимир Путинны яңа срокка чыгару – коммерцияле булмаган оешмалар өчен позитив һәм мөһим адым, чөнки ул инде күп еллар шушы секторга һәм күп кенә социаль әһәмиятле проектларга ярдәмен күрсәтә. Ул илне алга этәрә, диде «Татар-информ» белән әңгәмә барышында «Российский Красный Крест» иҗтимагый оешмасының Татарстандагы төбәк бүлеге башлыгы Зөлфия Сафина.

Россиянең атказанган артисты, Татарстан һәм Башкортстанның халык артисты Салават Фәтхетдинов Россия Президенты Владимир Путинның яңа срокка тәкъдим ителүен ничек бәяләве турында «Татар-информ»га сөйләде.

Муса Җәлил исемендәге Татар дәүләт опера һәм балет театры сәхнәсендә VIII «Үзгәреш җиле» фестивале башланып китте. Фестиваль концерты ике көн булачак. Бүген беренче көне.

Безнең илдә балалы гаиләләргә һәм инвалидларга ярдәм буенча федераль проектлар актив гамәлгә ашырыла. Алар Россия Президенты Владимир Путин ярдәмендә киң колач җәя. Аның яңа срокка тәкъдим ителүе белән мондый инициативалар тагын да артачак дип саный Татарстан блогеры Алинә Гыймалтдинова.

Россия Федерация Советы Рәисе Валентина Матвиенко Россия Президенты Владимир Путинның җаваплы карарлардан беркайчан да качмавын белдерде. Сайлауларда катнашуы турында белдергәндә, ул ил мәнфәгатьләреннән, аның гражданнарының реаль соравынан чыгып эш итә, дип ассызыклады Матвиенко.

Россия Президенты Владимир Путинның киләсе 2024 елгы сайлауда катнашуы – бар кеше дә көткән карар. Бу хакта «Татар-информ» агентлыгына В.Г. Тимирясов исемендәге Казан инновацион университеты ректоры Асия Тимирясова хәбәр итте.

Татарстан Республикасы медицина учреждениеләре диспансеризация узарга теләүче гражданнарны кабул итүне яңа ел каникулларыннан соң башлаячак. Бу хакта Татарстан сәламәтлек саклау министры урынбасары һәм Казан шәһәре сәламәтлек саклау идарәсе башлыгы Владимир Жаворонков хәбәр итте.

Зәй районының Сарсаз Баграж авылыннан мөмкинлекләре чикләнгән рәссам Андрей Кузьминның кул бармаклары юк.

2024 елның 1 февралендә Социаль фонд ана капиталын әлегә файдаланмаган барлык гаиләләргә аның суммасын 7,5 процентка индексацияләячәк. Сертификатта акчаның бер өлешен саклап калганнарны да шундый ук индексация көтә. Кулланылмаган сумма никадәр күбрәк булса, индексациядән соң өстәмә шулкадәр югарырак булачак. Бу хакта Социаль фондның Татарстан бүлекчәсе матбугат хезмәте хәбәр итә.

Бүген Россия Президенты Владимир Путин яңа президентлык срогына кандидатурасын тәкъдим итүе хакында хәбәр итте. Рәшит Ваһапов исемендәге фонд җитәкчесе, продюсер Рифат Фәттахов бу яңалыкны уңай бәяләде. Ул билгеләп үткәнчә, президентның мәдәнияткә зур игътибар бирүе Владимир Путинның кандидатурасын яклауга һәм хуплауга лаеклы итә.