Новости за 19.12.2023

Махсус хәрби операция зонасында хезмәт иткән һәм Туган ил өчен батырларча үз гомерен биргән Рөстәм Гыйльманов белән Яңа Чишмәнең Әдәмсә авылында хушлаштылар. Бу хакта «Яңа Чишмә хәбәрләре» яза.

«Казан Кремле» музей-тыюлыгы «Бүләк – мәдәниятләр дуслыгы символы» дигән яңа күргәзмә тәкъдим итте. Экспонатлар ТР башлыкларына бүләкләр фондыннан сайлап алынган. Кунаклар Россия төбәкләре, шулай ук якын һәм ерак чит илләр вәкилләренең дипломатик бүләкләрен күрә алачак. Бу турыда Казан мэриясе хәбәр итте.

Мәскәү Татар мәдәни үзәгендә «Дуслар» татар җыр ансамбленең Яңа ел алды концерты булды. Концертка коллективның дуслары һәм төрле жанрда җырлаучылар җыелды. Бу хакта Мәскәү шәһәре татар милли-мәдәни мохтарияте төбәк иҗтимагый оешмасының матбугат хезмәте хәбәр итә.

Татарстанда инвесторлар эше өчен уңайлы шартлар тудырырга кирәк, икътисадның барлык өлкәләре инвестицияләр агымына юнәлдерелергә тиеш. Бу хакта Татарстан Рәисе Рөстәм Миңнеханов республика инвесторлары клубы утырышында әйтте. «Татар-информ» хәбәрчесе Александр Хверонин шул хакта яза.

АКШта яшәүче якынча 42 млн кеше әлегә кадәр беренче чиратта кирәкле товарларны сатып алу өчен азык-төлек карталарыннан файдалана, дип белдерде Татарстан Фермерлар һәм крестьян хуҗалыклары ассоциациясе рәисе Камияр Байтимеров. Аның сүзләренчә, Россиядә аларны куллану ил икътисадында уңай йогынты ясый алыр иде. Бу турыда «Татар-информ» яза.

Татарстан Республикасы Рәисе Администрациясе Җитәкчесе Әсгать Сәфәров «Теләкләр чыршысы» бөтенроссия Яңа ел чарасында катнашты. Ул чыршыдан открыткалар алды, аларда «Теләкләр чыршысы»нда катнашучы балаларның Яңа ел теләге язылган, дип хәбәр итте Татарстан Рәисенең матбугат хезмәте.

Чувашиянең Комсомол муниципаль округының Тукай авылында урнашкан «Мәхәллә йорты» бинасында Чувашия татарларының милли-мәдәни берләшмәсе рәисен сайлау җыелышы булды. Бирегә үз шәһәрләрен һәм авылларын тәкъдим итүче 50дән артык делегат җыелды. Бу хакта Россия мөселманнары Дини җыены матбугат хезмәте хәбәр итә.

Татарстанның төп капиталына инвестицияләр күләме беренче тапкыр 1 трлн сумга җитте. Бу хакта инвесторлар клубының йомгаклау утырышында Татарстан Инвестицион үсеш агентлыгы җитәкчесе Талия Миңнуллина хәбәр итте. Бу хакта «Татар-информ» хәбәрчесе Александр Хевронин яза.

Татарстан Республикасы Рәисе Рөстәм Миңнеханов республикада урнашкан югары уку йортлары ректорлары һәм фәнни учреждениеләр җитәкчеләре белән очрашты. Очрашуда 2023 елда уртак эшкә йомгак ясадылар һәм киләсе елга планнар билгеләделәр. Чара КФУда узды. Бу турыда Татарстан Рәисе матбугат хезмәте хәбәр итте.

РФ Президенты Владимир Путин махсус хәрби операциядә катнашучы Россия Геройларына «Алтын йолдыз» медален тапшырды. Бүләкләү тантанасы Россия Оборона идарәсенең илкүләм үзәгендә узды. Бу хакта Кремль матбугат хезмәте хәбәр итте.

«Татар-информ» мәгълүмат агентлыгы инвестицион эшчәнлекне яктырту буенча Татарстанның иң яхшы массакүләм мәгълүмат чарасы булып танылды.

Татарстан Дәүләт Советы матбугат хезмәте җитәкчесе Резидә Макуева белән хушлашу мәрасиме иртәгә, 20 декабрьдә, була. Ул иртәнге сәгать 11дә «Курган» комплексында (Мамадыш тракты, 179 йорт) башлана.

Түбән Новгород өлкәсенең «Туган як» газетасында «Рәшит Ваһапов елы төгәлләнде һәм… дәвам итә» дигән язма чыкты. Аны социаль челтәрдә урнаштырдылар.

Россия Президенты Владимир Путин, заемщикның акчасы җитмәгән очракта, кредит түләүләре чиратын үзгәртә торган законга имза куйды. Документ хокукый актлар порталында чыкты.

Казан кооператив институтының Дәрдемәнд исемендәге Татар мәдәнияте үзәге җитәкчесе Флюра Абдуллина җитәкчелегендәге делегация Остазлар һәм педагоглар елы уңаеннан Үзбәкстанның Сәмәрканд шәһәренә барган. Делегация составында Әлки районының Нәби Дәүли исемендәге Базарлы Матак гимназиясе директоры Фәридә Яруллина, әлеге районның үзәк китапханәсенең милли әдәбият һәм туган якны өйрәнү бүлеге җитәкчесе Алсу Низамова да бар. Алар Үзбәкстан татарлары белән очрашкан.

Бүген Татарстан Дәүләт Советы матбугат хезмәте җитәкчесе Резидә Макуева озак вакытлы авырудан соң вафат булды. Аңа 61 яшь иде.

Бүген Татарстан Дәүләт Советы матбугат хезмәте җитәкчесе Резидә Макуева озак вакытлы авырудан соң вафат булды. Аңа 61 яшь иде.

ЛДПР партия җитәкчесе Леонид Слуцкийны 2024 елгы Президент сайлавына кандидатлыкка тәкъдим ителде. Бу хакта Россия Либераль-демократик партиясенең 35нче сайлау алды съездында билгеле булды.

Бүген Татарстан Республикасы Хөкүмәте Йортында «Татнефтехиминвест-холдинг» АҖ Директорлар советының чираттагы утырышы узды. Утырышны Татарстан Республикасы Рәисе Рөстәм Миңнеханов үткәрде. Бу турыда Татарстан Рәисенең матбугат хезмәте хәбәр итте.

Энгель Таһиров XXI гасырның 20нче елларын татарның уяну чоры, дип атады.

Россия гаскәрләрен тәэмин итү бер елда сизелерлек яхшырды һәм бу мөһим эш дәвам итәчәк. Саклану министрлыгы коллегиясенең киңәйтелгән утырышында Россия Президенты Владимир Путин 2024 елда корал һәм техника сатып алу һәм ремонтлау күләме шактый арттырылачагын әйтте. Трансляция Кремль матбугат хезмәте Телеграм-каналында узды.

Награждение состоялось сегодня на XVIII съезде Ассоциации «Совет муниципальных образований РТ».

«Миллиард.Татар» басмасы 2023 елда иҗтимагый тормышның төрле юнәлешләрендә үзләрен күрсәткән ун татарның исемен атады.

Учащиеся 7б класса посетили Резиденцию Кыш Бабая.

2023 ел нәтиҗәләре буенча Татарстанда тулаем төбәк продукты 4 трлн сум дәрәҗәсендә булыр дип көтелә, сәнәгать җитештерүе күләме - 4,5 трлн сум, ә ваклап сату күләме - 1,4 трлн. «ТР Муниципаль берәмлекләре советы» ассоциациясенең XVIII съездында Татарстан Рәисе Рөстәм Миңнеханов шундый саннар белән уртаклашты.