Новости за 13.12.2023

Түбән Камада «Ел тәрбиячесе – 2024» республика һөнәри конкурсының муниципаль этабы финалы узды. Быел ярымфиналда шәһәр һәм район мәктәпкәчә учреждениеләреннән 19 педагог катнашты. Беренче турда алар үзләренең эш тәҗрибәләрен тәкъдим итте, ә белем бирү эшчәнлеге барышында моны практикада ныгытты. Катнашучылар мастер-класслар үткәрде, тәҗрибә һәм инновацион табышлар белән уртаклашты. Бу хакта Түбән Кама муниципаль районы рәсми сайтында хәбәр ителә.

Россия Авыл хуҗалыгы министрлыгында якын айда тавык йомыркасына бәя арзанаер дип көтәләр. Бәяләр төшүенә читтән җибәрелгән йомыркалар ярдәм итәчәк. Бу хакта РИА Новости яза.

Туфан Миңнуллин исемендәге Татар Дәүләт драма театры Ркаил Зәйдулла пьесасы буенча куелган «Нәгыймә» спектаклен Казан тамашачысына тәкъдим итте. Алар аны башкаланың «Мәскәү» мәдәният үзәге сәхнәсендә уйнадылар, дип хәбәр итте Бөтендөнья татар конгрессы.

Уфада Әхмәтзәки Вәлиди исемендәге Милли китапханәдә Татарстанның халык шагыйре, Башкортстанның атказанган мәдәният хезмәткәре, Татарстанның атказанган сәнгать эшлеклесе Роберт Миңнуллинга багышланган «Курай булып кайтырмын...» истәлек кичәсе узды. Бу хакта «Башинформ» агентлыгы яза.

Самараның «Бердәмлек» газетасында Данияр Сәйфиевның «Өлкә татар автономиясе рәисе сайланды» дигән язмасы чыкты.

Россия Федерациясендә эскроу-хисаплар кулланып, шәхси торак төзелеше өчен йорт комплектлары сатып алуга ташламалы ипотека программасын башлап җибәрергә мөмкиннәр. Бу хакта Россия төзелеш һәм торак-коммуналь хуҗалык министры урынбасары Никита Стасишин хәбәр итте, дип яза «Газета.ru».

Новосибирск өлкәсе Татар мәдәни үзәге «Татар сүзе яңгырый» өлкә бәйгесендә катнашырга чакыра. Бу хакта мәдәни үзәк «ВКонтакте» социаль челтәрендәге сәхифәсендә хәбәр ителә.

2024 елда Казанда беренче тапкыр ике зур мультиспорт чарасы — «Киләчәк уеннары» һәм БРИКС илләре спорт уеннары була. Ике зур вакыйга да республика һәм ил тарихында эз калдырачак. Бу хакта Татарстан Республикасы Рәисе Рөстәм Миңнеханов 2023 елгы спорт сезонына йомгак ясау һәм физкультура һәм спорт өлкәсендә дәүләт идарә органы оешуның 100 еллыгын бәйрәм итүгә багышланган тантанада әйтте.

Татарстан Инвестиция советы гомуми бәясе 4,755 млрд сум булган ун проектны хуплады. Утырыш Татарстан Республикасы Хөкүмәте Йортында Рөстәм Миңнеханов катнашында узды.

1917 елның 13 декабрендә Бакчасарайда Кырымтатар корылтаенда беренче җөмһүрият игълан ителә. Романия татарлары бу көнне милли бәйрәм буларак билгели.

Татарстанда физик культура һәм спорт белән шөгыльләнү өчен мөмкин кадәр уңайлы шартлар тудыру юнәлешендә зур эш алып барыла. Болар барысы да — киләчәккә өлеш кертү. Бу хакта Татарстан Рәисе Рөстәм Миңнеханов 2023 елгы спорт сезонын йомгаклау һәм физкультура һәм спорт өлкәсендә дәүләт идарә органы оешуның 100 еллыгын бәйрәм итүгә багышланган тантанада әйтте.

Казанда 18 декабрь көнне «Мой Бизнес. E-COM» форумы мәйданчыгында Россия маркетплейслары лидерларының эшмәкәрләр һәм үзмәшгульләр белән очрашуы узачак. Аның барышында бизнес 2024 елда интернет-сатуларны ничек арттырырга икәнен белә алачак. Маркетплейсларга техник ярдәм күрсәтү күчмә хезмәте эшен оештыру — тагын бер үзенчәлек булачак. Бу хакта бизнес-омбудсменның матбугат хезмәтендә сөйләделәр.

Яңа бина 45 урынга исәпләнгән.

«Россия — Ислам дөньясы: KazanForum 2024» XV Халыкара икътисади форумда катнашуга теркәлү башланды. Ул 2024 елның 16-17 маенда республика башкаласында узачак.

Татарстан Рәисе Рөстәм Миңнеханов Татарстанның физик культура һәм спорт өлкәсендә идарә итү дәүләт органы оешуга 100 ел тулуга багышланган чарада котлау сүзе белән чыгыш ясады.

Бүген Идел буе дәүләт физик культура, спорт һәм туризм университетының концертлар залында 2023 елда Татарстан Республикасының иң яхшы спортчыларын атадылар. Бу турыда «Татар-информ» хәбәр итте.

Татарстан тарихы спортта традицияләргә һәм зур җиңүләргә бай. Бу хакта Татарстан Республикасы Рәисе Рөстәм Миңнеханов телеграм-каналында язган.

Аерым алганда, Уфада яшәүче кыз 9 сыйныфны тәмамлагач мәктәптән киткән. Әмма ул элекке сыйныфташларын нәфрәт иткән һәм мәктәпкә кораллы һөҗүм әзерләгән.

Башкортстанның Мәчетле районының Ләмәз-Тамак авылында Ралит Гунсаров истәлегенә багышланган гармунчылар һәм баянчылар ачык конкурсының гала-концерты булды. Бу турыда Мәчетле районы татар милл-мәдәни автономиясе социаль челтәрләрдә хәбәр итте.

Әлки районының Базарлы Матак авылыннан чираттагы гуманитар йөк партиясе җибәрелде. Бу хакта «Татар-информ»га Әлки районыннан протоиерей Андрей Зиньков сөйләде.

За минувший год 10 пожаров случилось в квартирах с извещателями.

Кәрим Тинчурин исемендәге Татар дәүләт драма һәм комедия театрында XXV #ӘдәбиМарафонның финалистларын бүләкләү тантанасы үткәрелә. Әлеге марафонда Россия Федерациясенең җиде төбәгеннән, Татарстан Республикасының 40ка якын районыннан 6 яшьтән алып 75 яшькә кадәр яшьтәге әдәбият сөючеләр катнашты.

Ленино-Кокушкиноны музей-тыюлык статусыннан мәхрүм итү буенча бернинди рәсми документлар да килмәде. Әлеге хәбәрләргә җавап итеп Татарстан Милли музеенда шулай дип белдерделәр.

КФУның Филология һәм мәдәниятара багланышлар институты Габдулла Тукай исемендәге Милли мәдәният һәм мәгариф югары мәктәбе 19 декабрьдә 14.00 сәгатьтә КФУ профессоры, фольклорчы, әдәбият белгече, төрки-татарларның этногенезисын өйрәнүче галим Марсель Бакировның 90 еллык юбилеена багышланган «Остаз, галим» дигән чара үткәрә.

Розыгрыш купонов на 25 литров бензина состоялся в сквере “Дуслык” у памятника журналистам.