Новости за 28.12.2023

Түбән Кама Советлар йортында кадрлар ресурсын үстерү буенча киңәшмә узды. Чарада Түбән Кама муниципаль районы башлыгы Рамил Муллин, шәһәр хакимияте, мәгариф учреждениеләре һәм сәнәгать предприятиеләре вәкилләре катнашты. Бу хакта Түбән Кама муниципаль районы рәсми сайтында хәбәр ителә.

Алда торган Яңа ел бәйрәмнәрендә Казанда күпсанлы чаралар узачак. Быел Яңа ел парк программасы «Җемелдәү» дип атала, ул шәһәрнең 26 иҗтимагый киңлеген колачлаячак. Бу – казанлылар һәм туристлар өчен 161 вакыйга дигән сүз. Казанның Парклар һәм скверлар дирекциясе директоры Айгөл Латыйпова «Татар-информ» агентлыгында узган матбугат конференциясендә бәйрәм чаралары хакында сөйләде.

Яңа ел төнендә Татарстанда, көнчыгышка китүче циклонның тылдагы өлешендә, кар явачак, кайбер районнарда буран көтелә. Республика Гидрометеорология һәм әйләнә-тирә мохитне күзәтү идарәсе шул хакта хәбәр итә.

2023 елның декабрендә Мәскәүдә «Мәдинә» нәшрият йортында «XX Фәезханов укулары» Халыкара фәнни-белем бирү конференциясен үткәрү кысаларында «Россиядә ислам карашы: яңарыш һәм кабат төшенү» сериясеннән мөселман теологы, Көнчыгышны өйрәнү белгече Хөсәен Фәезхановның (1823-1866) фәнни һәм дини мирасына багышланган яңа китаплар сериясе дөнья күрде. Бу хакта Бөтендөнья татар конгрессының матбугат хезмәте хәбәр итә.

«Татар-информ» мәгълүмат агентлыгы редакторы Светлана Белова һәм хәбәрче Елена Фенина юл хәрәкәте иминлеге проблемаларын яктырту буенча гаммәви мәгълүмат чаралары арасында үткәрелә торган «Ышаныч һәм иминлек» республика бәйгесенең призерлары булды.

Россия Премьер-министры Михаил Мишустин «Теләкләр чыршысы» Бөтенроссия хәйрия акциясе кысаларында Пермьдә яшәүче 9 яшьлек Ира Волкова һәм Кострома өлкәсеннән 6 яшьлек Макар Соколовның Яңа ел теләген үтәде.

Төркиянең көнчыгышындагы Малатья провинциясендә 4,6 магнитудалы җир тетрәү булган. Бу хакта Төркиянең «Анадолу» агентлыгы хәбәр итә.

Татарстан башкаласының Парклар һәм скверлар дирекциясе «Казан» Гаилә үзәге янындагы мәйданчыкта Яңа ел бәйрәм чараларының программасын игълан итте. Быел ул, кышкы бәйрәм чараларының ел саен вакыт-вакыт кабатлануына ишарәләп, «Тагын түгел, ә яңадан» дип аталачак.

ТР Премьер-министры Алексей Песошин Казанда яшәүче 6 яшьлек Кәрим Низаметдиновның (ул машинист ролендә булып карарга теләве хакында язган) хыялын чынга ашырды. Сәясәтче баланың хыялы турында «Теләкләр чыршысы» акциясендә белде.

27 декабрьдә «Гадел Кутуй безнең йөрәкләрдә» мәдәни-агарту марафоны оештыру комитетының йомгаклау утырышы булды. Бу хакта Бөтендөнья татар конгрессының матбугат хезмәте хәбәр итә.

Казанның Дәрвишләр бистәсендә эшче һәлак булганнан соң тикшерүчеләр җинаять эше кузгатты. Бу хакта Россия Тикшерү комитеты ТР буенча идарәсе җитәкчесенең өлкән ярдәмчесе Андрей Шептицкий хәбәр итте.

Бүген, 28 декабрьдә, Әлмәт шәһәрендә яңа мәчет ачылды. Әлмәтлеләрнең сөенечен бүлешеп, тантаналы ачылышта Татарстан мөфтие Камил хәзрәт Сәмигуллин, аның беренче урынбасары Илфар хәзрәт Хәсәнов катнашты. Шулай ук шәрәфле кунаклар арасында «Татнефть» акционерлык җәмгыяте генераль директоры Наил Маганов һәм башка рәсми затлар, дин әһелләре, җирле мөселманнар бар иде.

Яңа елда «Ватанны саклаучылар» махсус хәрби операциядә катнашучыларга ярдәм күрсәтү дәүләт фонды грантын тәкъдим итү өчен Хөкүмәтнең резерв фондыннан 3,8 миллиард сумнан артык акча юнәлдереләчәк. РФ Премьер-министры Михаил Мишустин шул хактагы боерыкны имзалаган.

Башкортстан татарлары конгрессының беренче рәисе, педагогика фәннәре докторы, профессор, М.Акмулла исемендәге Башкорт дәүләт педагогика университетының элеккеге ректоры Эдуард Хәмитов вафат.

23 декабрьдә Татарстанда Россия Президенты вазифасына Владимир Путин кандидатурасын хуплап имза җыю башланды. Ул, нигездә, Казан, Чаллы, Түбән Кама, Әлмәт һәм Яшел Үзәннең зур сәүдә үзәкләрендә оештырылган.

Бу бер-ике буын алмашканнан соң булачак ди ул.

Завтра, 29 декабря, в эфире Нурлат ТВ выйдет итоговое интервью с главой района и города Дамиром Ишкинеевым.

Яңа торакка ихтыяҗ түбән булган төбәкләрдә яңа төзелгән йортларга ташламалы ипотека программасын озайтырга мөмкиннәр. Россия вице-премьеры Марат Хөснуллин төбәкләр үсеше буенча Хөкүмәт комиссиясе утырышында шулай дип белдерде. Бу хакта ТАСС агентлыгы хәбәр итә.

Благотворительный фонд поддержки инновационной медицины «Планета Экзар» помогает детям с синдромом верхнего вялого паралича или пареза.

2024 елның 1 гыйнварыннан Татарстанда бюджет өлкәсендә эшләүче кайбер хезмәткәрләрнең дәүләтнеке булмаган (өстәмә) пенсияләрен индексациялиләр. Аның күләме аена 340 сум тәшкил итәчәк. Бу карарны Татарстан Премьер-министры Алексей Песошин имзалады.

Татарстан Премьер-министры Алексей Песошин Дмитрий Перевезенцевны «Татмедиа» җитәкчесе урынбасары вазифасына билгеләде. Шул хактагы боерык ТР хокукый мәгълүмат порталында урнаштырылган.

В республике с 18 по 31 декабря проводится межведомственное оперативно-профилактическое мероприятие «Ель».

Мәскәүдә Зәйнулла ишан Рәсүлев исемендәге мәдрәсәдә балалар һәм аларның әти-әниләре өчен гаилә бәйрәме узды. Анда Россия мөселманнары Дини җыены җитәкчесе, Мәскәү мөфтие Альбир хәзрәт Крганов булды. Бу хакта Россия мөселманнары Дини җыены матбугат хезмәте хәбәр итә.

28 декабрьдә Чиләбе өлкәсенең Кунашак район җыелышы депутатлары районның яңа башлыгын сайлады. Район җыелышы депутатлары әлеге вазифага бертавыштан Рамил Вәкиловны билгеләде. Бу хакта Бөтендөнья татар конгрессының матбугат хезмәте хәбәр итә.