Новости за 25.12.2023

Бүген Дәүләт Думасы депутаты Айдар Метшин Аксубайда эш сәфәрендә булды. Район башлыгы Камил Гыйльманов һәм район башкарма комитеты җитәкчесе Станислав Зайцев белән Айдар Метшин гражданнарны кабул итте. Бу хакта «Аксубай» сайтында хәбәр ителә.

Мәскәүдә Татар мәдәнияте үзәгендә балалар өчен ел саен үткәрелә торган традицион Яңа ел чыршысы узды. Бу хакта Мәскәү татарлары автономиясе матбугат хезмәте хәбәр итә.

Россия Сәнәгать һәм сәүдә министрлыгы 2024 елның II яртыеллыгында автомобиль алуга ташламалы кредит программасына яңа категорияләр өстәү мөмкинлеген караячак, карар кабул итү өчен базардагы тенденцияләрне күзәтәчәк. Бу хакта Россия Сәнәгать һәм сәүдә министрлыгы башлыгы — вице-премьер Денис Мантуров интервьюда хәбәр итте, дип яза РИА Новости.

Соңгы тәүлектә Татарстан башкаласына айлык норманың яртысы кадәр диярлек кар яуды. Хәзерге вакытта республика һава торышына йогынты ясый торган циклон якын арада чигенергә җыенмый. Бу хакта «Татар-информ»га бүген Казан федераль университеты Экология һәм табигатьтән файдалану институтының метеорология, климатология һәм атмосфера экологиясе кафедрасы доценты Тимур Әүхәдиев хәбәр итте.

Россия Президенты Владимир Путин ашыгыч ярдәм бригадаларына, кеше гомеренә куркыныч янаган очракта, пациент ризалыгыннан башка медицина ярдәме күрсәтергә рөхсәт итә торган законны имзалады. Документ хокукый актлар рәсми порталында чыкты.

«Пенза өлкәсенең танылган татарлары» — төбәк Татар автономиясендә шундый исемдәге түгәрәк өстәл утырышы узды. Алар арасында галимнәр, туган якны өйрәнүчеләр, тарихчылар, татар яшьләре вәкилләре һәм төбәкнең танылган татарларының нәсел дәвамчылары бар иде. Бу хакта «Пенза» дәүләт телерадиокомпаниясе хәбәр итә.

Бүген Татарстан Республикасы Рәисе Рөстәм Миңнеханов Казан Кремленең Гавам урыннарындагы Яңа ел чыршысында булды. Чыршы тирәсендәге Яңа ел тамашасы балалар өчен Яңа ел чаралары сериясен ачачак. Программада: музыкаль кичәләр, Казан актерларының әкиятләр укулары, спектакльләр күрсәтү һәм экскурсияләр.

Бүген Татарстан Республикасы Рәисе Рөстәм Миңнеханов махсус хәрби операциядә катнашучы, Россия Герое Айнур Сафиуллин белән очрашты.

Кадрларның бер өлеше Үзбәкстан һәм Таҗикстанда әзерләнергә мөмкин.

Бүген һәм иртәгә Татарстан территориясендә һава шартлары начарлану фаразлана. Бу хакта Татарстан Гидрометеорология үзәге хәбәр итә.

Бүген Татарстан Премьер-министры Алексей Песошин республиканың әйдәп баручы инженерларын «Ел инженеры» республика конкурсында җиңүләре белән котлады. Чара бүген ТР Сәүдә-сәнәгать палатасы мәйданчыгында (Казан) узды. Бу турыда Татарстан Рәисенең матбугат хезмәте хәбәр итте.

Казан федераль университетының астрономик обсерваторияләрен ЮНЕСКОның Бөтендөнья мирасы объектлары исемлегенә кертү — санкцияләр шартларында Россиянең зур җиңүе. Бу фикерне Татарстан Рәисе Рөстәм Миңнеханов массакүләм мәгълүмат чаралары вәкилләре белән йомгаклау матбугат конференциясендә белдерде.

Катлаулы икътисади хәл чит ил компанияләренә киртә түгел — алар Татарстанга инвестиция кертү мөмкинлеге белән кызыксынуын дәвам итә. Бу хакта Татарстан Республикасы Рәисе Рөстәм Миңнеханов әйтте.

Телләр өйрәнү өчен Duolingo кушымтасы кулланучылары татар телен дә өстәүне сораган. Бу хакта кулланучылар Change.org петиция сайтында язганнар. Хәзерге вакытта петициягә 2548 кеше имза куйган.

Татарстан Рәисе Рөстәм Миңнеханов «Зенит-Казан» волейбол клубы җитәкчелегенә һәм коллективына Россия кубогында җиңү уңаеннан котлау телеграммасы җибәрде.

«Интертат» сайты 2023 елда 1,35 миллион уникаль укучы җыеп, Россия рекордлар реестрына керде. Ягъни, ул - татар телле сайтлар арасында иң күп укучысы булганы һәм шулай ук Россиядә милли телләрдә чыга торган сайтлар арасында да иң күп укылышлысы.

Татарстанда почта системасына ярдәм формалары турында эзләнүләр бара. Бу хакта Татарстан Рәисе Рөстәм Миңнеханов журналистлар белән очрашу вакытында «Татар-информ» мәгълүмат агентлыгының татар редакциясе баш мөхәррире соравына җавап итеп әйтте.

Татарстанның Алабуга, Чистай, Кама Тамагы, шулай ук Арча, Саба һәм Кукмара районнарында уникаль табигый һәм тарихи объектлар бар, киләчәктә аларның туристлык потенциалын ачасы була. Бу хакта Татарстан Республикасы Рәисе Рөстәм Миңнеханов «Татар-информ»ның республиканың бәяләнмәгән истәлекле урыннары турында соравына җавап итеп белдерде.

Кол Галиның тууына 850 ел 2033 елда булачак.

Татарстанда 15 шимбә ярминкәсендә фермерлар һәм авыл хуҗалыгы предприятиеләре 1,1 млрд сумнан артыкка продукция саткан. Бу хакта Татарстан Авыл хуҗалыгы һәм азык-төлек министрлыгы матбугат хезмәте хәбәр итә.

Россиялеләрнең күбесе декабрь ахырына кадәр гыйнвар ае өчен пенсия һәм пособие алачак. Бу хакта Россия Социаль фонды мәгълүматларына сылтама белән «Российская газета» яза.

Обновленное панно расположено на фасаде 5-этажного дома Строителей, 24.

На сцене городского Дворца культуры наградили «Благотворителей года-2023», победителей конкурсов, а также поздравили энергетиков.

М12 «Көнчыгыш» тиз йөрешле трассасы төзелеше - Татарстан өчен зур бүләк. Бу хакта Рөстәм Миңнеханов матбугат чаралары вәкилләре белән очрашуда әйтте.

Татарстан Рәисе Рөстәм Миңнеханов Иделнең саегуына карата фикерен әйтте. «Елганы коткару комплекслы төстә башкарылырга тиеш. Суднолар йөреше күләмнәрен дә арттырырга кирәк», - диде ул журналистларга йомгаклау матбугат конференциясендә.