Новости за 21.12.2023

Татарстан хезмәт, халыкны эш белән тәэмин итү һәм социаль яклау министры Эльмира Зарипова Мөслимгә эш сәфәре кысаларында картлар һәм инвалидлар интернат-йортында булды. Бу хакта «Мөслим-информ» хәбәр итә.

Казанда бүген иртән Мәскәүдә старт алган «Кремльдән Кремльгә кадәр» автоузыш колоннасын каршы алдылар. Автоузыш М12 Восток трассасы буенча хәрәкәт ачылуга багышланган. Анда 12 җиңел автомобиль һәм биш «КамАЗ» катнаша.

Бүген, 21 декабрьдә, Татарстан башкаласында ун ел элек булган температура рекорды яңартылды. Бу хакта ТР Гидрометүзәге хәбәр итә.

2024 елны Татарстан мөселманнары Диния нәзарәте гаилә һәм хәләл яшәү рәвеше елы дип игълан итәргә карар итте. Бүген узган Дума пленумында катнашучылар ТР мөфтие Камил хәзрәт Сәмигуллин тәкъдимен хупладылар, дип хәбәр итә республика мөфтиятенең матбугат хезмәте.

Россия Президенты Владимир Путин стратегик үсеш һәм илкүләм проектлар советы утырышында бюджет хезмәткәрләренең хезмәт хакы 2012 елның май указларында каралган дәрәҗәгә ирешсен өчен барысын да эшләргә кушты.

Легаль булмаган танылган совет разведчигы — полковник Исхак Әхмәровның кызы Екатерина Татарстанның Россия Федерациясендәге Тулы вәкаләтле вәкиллегендә булды. Ул Татарстан вице-премьеры — Татарстанның Россия Федерациясендәге Тулы вәкаләтле вәкиле Равил Әхмәтшинга әти-әнисенең шәхси әйберләрен тапшырды. Алар аның әтисенә багышланган экспозициянең бер өлеше булачак. Бу хакта ведомствоның матбугат хезмәте хәбәр итә.

Күп балалы гаилә статусы тиешле ташламалар белән федераль дәрәҗәдә билгеләнергә тиеш. Бу хакта Россия Президенты Владимир Путин стратегик үсеш һәм илкүләм проектлар советы утырышында белдерде, дип хәбәр итә Кремльнең матбугат хезмәте.

Татарстан Рәисе Рөстәм Миңнеханов М12 «Көнчыгыш» федераль трассасын тиз салганнары өчен төзүчеләргә үзенең Telegram-каналында рәхмәт белдерде.

Россия Президенты Владимир Путин карары белән баш мөфти, Россия мөселманнарының Үзәк диния нәзарәте рәисе Тәлгать Таҗетдин II дәрәҗә «Ватан алдындагы казанышлары өчен» ордены белән бүләкләнде. Бу хакта «Российская газета» яза.

Россиядә 2018 елда формалаштырылган гамәлдәге илкүләм проектлар 2024 елда тәмамлана. Ил хакимиятенә яңартылган программаларны әзерләргә һәм эшләтеп җибәрергә кирәк. Бу хакта Стратегик үсеш һәм илкүләм проектлар советы утырышында Президент Владимир Путин әйтте.

Прага үзәгендә, Карл университетының фәлсәфә факультеты бинасында, 21 декабрь кичендә атыш булган. Хакимиятләр 15 кеше һәлак булган, 24 кеше төрле дәрәҗәдә җәрәхәтләр алган дип хәбәр итә.

Яңа ел алдыннан Татарстанның Балтач, Алабуга, Кукмара, Лаеш, Мамадыш, Балык Бистәсе, Саба районнарыннан, шулай ук Казанның Вахитов һәм Идел буе районыннан 243 күпбалалы гаилә бәйрәм өстәленә күчтәнәч җыелма алачак. Бу гаиләләрдә барлыгы 1 379 бала тәрбияләнә. Акциянең инициаторы — Россия Дәүләт Думасына Татарстаннан сайланган депутат Илья Вольфсон һәм «Синең файдага» хәйрия фонды. Мондый акцияне парламентарий инде өченче ел рәттән үткәрә.

Мәскәүдән Казанга кадәр М12 тизйөрешле трассасы буенча йөрү 4481 сум тәшкил итәчәк, ә транспондер белән арзанрак булачак. Бу хакта журналистларга «Автодор» дәүләт компаниясе идарәсе рәисе Вячеслав Петушенко хәбәр итте.

Татарстанда махсус операциядә катнашу өчен контракт буенча хәрби хезмәткә керергә теләүчеләр саны арта. Бу хакта махсус хәрби операция буенча Татарстандагы эшче төркем координаторы, «Бердәм Россия хатын-кызлар хәрәкәте» партия федераль проектының төбәк координаторы, Татарстан Дәүләт Советының «Мәрхәмәт» хатын-кызлар депутатлар берләшмәсе җитәкчесе Алсу Нәбиева хәбәр итте.

Журналист Флюра Низамова фикеренчә, совет чорында «Татарстан яшьләре» газетасы, башка басмалар белән чагыштырганда, халыкчанрак газета була алган.

Россия Президенты Владимир Путин М12 «Көнчыгыш» трассасының Мәскәүдән Казанга кадәр участогын төзүдә катнашкан барлык белгечләргә рәхмәт белдерде һәм проектның рекордлы срокларда тәмамлануын билгеләп үтте.

Россия Президенты Владимир Путин Валентин Шашин исемендәге «Татнефть» гаммәви акционерлык җәмгыяте генераль директоры Наил Магановны IV дәрәҗә «Ватан алдындагы казанышлары өчен» ордены белән бүләкләү турында указны имзалады.

Татарстан Рәисе Рөстәм Миңнеханов Казаннан Мәскәүгә кадәр М12 «Көнчыгыш» тизйөрешле трассасын бәяләде. Бу хакта республика җитәкчесе Россия Президенты Владимир Путинга автомобиль юлын ачуга багышланган чарада видеоэлемтә аша сөйләде.

Киләсе елларда финанслар тагын да артыр дип көтелә.

Директор спортивной школы имени Галимзяна Хусаинова Ильсур Набиуллин в рамках новогодней акции «Ëлка желаний» исполнил желания Влады и Киры Самаренкиных.

Әлмәт театрында татар театры тарихында беренче фильм-спектакль ясалачак. Ул Равил Сабырның «Фәхрине үтереп ташладылар» романы нигезендә эшләнә.

Олимпия чемпионы Алинә Заһитова «Ел татарлары» рейтингының «Халык сайлавы» номинациясендә җиңүче булды. Бу хакта «Миллиард.Татар» медиа басмасы яза.

Татарстан Рәисе Рөстәм Миңнеханов М12 «Көнчыгыш» федераль трассасының Мәскәүдән Казанга кадәр участогын ачуга «КАМАЗ» йөк машинасында килде. Бу хакта «Татар-информ»га Татарстан Рәисенең матбугат хезмәте җитәкчесе Лилия Галимова хәбәр итте.

Прямо сейчас на странице «Нурлат-информа» ВКонтакте идет прямой эфир на тему «Легко ли быть выпускником?».

БРИКС уеннарында Казанда биш меңгә якын кеше – 3 мең спортчы һәм 2 мең рәсми зат катнашачак. Тагын биш йөзгә якын чакырылган кунак көтелә, дип хәбәр итте ел саен уздырыла торган матбугат конференциясендә Татарстан Спорт министрлыгы башлыгы Владимир Леонов.