Новости за 14.12.2023

Шиһабетдин Мәрҗани исемендәге Тарих институты өлкән фәнни хезмәткәре, фәлсәфә фәннәре кандидаты Айдар Хәйретдинов хәзерге татар телен абзар теле дип атады. Бу хакта ул Габдерәүф хәзрәт Зәбировның «Ислам нормалары һәм кагыйдәләре» китабын тәкъдим итүгә багышланган матбугат конференциясендә атады.

14 декабрьдә Татарстан мөфтияте бинасында Коръәннең кулъязма мүсхәфен әзерләү комиссиясе утырышы узды. Комиссияне Татарстан мөфтие Камил хәзрәт Сәмигуллин җитәкли. Бу хакта ТР мөселманнары Диния нәзарәтенең матбугат хезмәте хәбәр итә.

Татарстан Республикасы Рәисе Рөстәм Миңнеханов республиканың Мәдәният һәм сәнгать советы утырышында патриотлыкның өйдән башлануын ассызыклады.

17 декабрьдә Түбән Новгород өлкәсенең Татар Моклокасы авылында Кар кызы белән Кыш бабай округара парады була. Бу турыда «Туган як» газетасы хәбәр итте.

8 декабрьдә Пенза шәһәрендә «Пенза йолдызчыклары-2023» өлкә балалар иҗаты фестиваль-бәйгесе булды. Халык вокалы» номинациясендә Каменка районының «Идел» татар фольклор ансамбле I дәрәҗә лауреат булды. Пенза өлкәсе татар милли-мәдәни автономиясенең «ВКонтакте» социаль челтәрендәге төркемендә шул хакта хәбәр ителә.

Татарстан Республикасы бер күрүдә үк яраттыра, дип белдерде Дәүләт Думасының Икътисади сәясәт комитеты рәисе Максим Топилин, ул төбәкне парламентның түбән палатасында тәкъдим итә. Топилин билгеләп үтүенчә, РФ Президенты Владимир Путин республиканы очраклы рәвештә генә масштаблы халыкара вакыйгаларның «тарту үзәге» дип атамады.

«Татарский deluxe» сыры «Россиянең иң яхшы 100 товары» бәйгесендә җиңде. Мамадышның «Азбука Сыра» компаниясе шул хакта хәбәр итте.

Тикшерүчеләр Түбән Камадагы бер балалар бакчасында тәрбияләнүче сабый пешкәннән соң җинаять эше кузгатты.

Бүген ТР Хөкүмәте Йортында 2023 ел йомгаклары буенча «Ел җитәкчесе» республика иҗтимагый конкурсының конкурс комиссиясе утырышы узды. Чараны Татарстан Премьер-министры Алексей Песошин үткәрде. Бу турыда Татарстан Рәисенең матбугат хезмәте хәбәр итте.

Россия Хөкүмәте киләсе елдан «Һөнәрендә иң яхшысы» Бөтенроссия һөнәри осталык бәйгесенең приз фондын арттырачак. РФ Премьер-министры Михаил Мишустин шул хактагы карарны имзалады. Хәзер беренче урын өчен приз күләме 300 мең урынына 1 миллион сум булачак, дип хәбәр итә Министрлар Кабинетының матбугат хезмәте.

Татарстан Прокуратурасы судтан 175нче гимназиягә китерелгән 1,4 миллион сум күләмендәге зыянны Казан шәһәре муниципаль берәмлеге файдасына Илназ Галәвиевтән түләттерүне сорый. ТР Прокуратурасына сорау белән мөрәҗәгать иткәч, «Татар-информ» агентлыгы шундый мәгълүмат алды.

Казан федераль университетында IV Казан халыкара лингвистик саммитының төп чарасы - «Хәзерге тел белеме: хезмәттәшлеккә юл» халыкара фәнни конференциясе ачылу тантанасы үтте.

Андрей Чурсин 18 декабрьдән КАМАЗда сату һәм сервис буенча генераль директор урынбасары вазифаларын башкарырга керешәчәк. Автогигантның телеграм-каналында компания җитәкчелегенең карары хакында хәбәр ителә.

Кәрим Тинчурин исемендәге Татар дәүләт драма һәм комедия театры белән Казанның Ш.Мәрҗани исемендәге 2 нче татар гимназиясе арасында хезмәттәшлек турында килешүгә имза куелды. Бу турыда Татарстан Мәдәният министрлыгы хәбәр итте.

М12 трассасы буйлап Мәскәүдән Казанга кадәр бару бәясе 4 481 сум торачак. Бу хакта ТАСС агентлыгы «Автодор» дәүләт компаниясенә сылтама белән хәбәр итә.

«Яшь тамашачы театрларына репертуарны мәктәп программасыннан чыгып, авторларның оригиналь текстлары буенча гына планлаштырырга кирәк», – диде мәдәният министры Ирада Әюпова Татарстан Республикасы Рәисе каршындагы Мәдәният һәм сәнгать советы утырышында чыгышында.

«Әкият» театрының сәнгать җитәкчесе, драматург Илгиз Зәйниев татар драматургиясенең классик әсәрләрен күптомлык басмага туплап чыгарырга тәкъдим итте.

Россиянең азык-төлек белән тәэмин ителеше кайгыртылган. Бу хакта туры элемтә барышында Россия Федерациясе Президенты Владимир Путин әйтте.

Россия хакимияте безнең илгә күченеп килеп, биредә эшләп яшәргә теләгән башка ил гражданнарына теләктәшлек күрсәтергә әзер. Бу хакта туры элемтә барышында Россия Федерациясе Президенты Владимир Путин әйтте.

Россиядә эшкә дип килгән хезмәт мигрантлары саны 10 млн тирәсе. Бу мәсьәләләр белән тирәннән комплекслы төстә шөгыльләнә алган махсус орган булдыру кирәк, дип саный Россия Президенты Владимир Путин. Бу хакта ул бүген туры элемтә барышында әйтте.

Аныңча, татарлар "дин һәм югары фәлсәфә телен" югалткан.

Бүген Казанда, «Әкият» курчак театрында балалар өчен бу елның беренче хәйрия чыршысы узды. Бәйрәм ТР Дәүләт Советының «Мәрхәмәт-Милосердие» хатын - кыз депутатлар берләшмәсе әгъзалары тәкъдиме белән һәм алар катнашында оештырылды. Бу турыда Татарстан Дәүләт Советы матбугат хезмәте хәбәр итте.

Россия Президенты Владимир Путинның юбилей, 20нче матбугат конференциясе дүрт сәгатьтән артык дәвам итте. Быел ул дәүләт башлыгының туры элемтәсе белән берләштерелде.

Татарстан бөтен Россия өчен конфессияара һәм милләтара татулыкның ачык үрнәге булып тора. Татарстан Республикасы территориясендә яшәүче халыклар вәкилләре ассамблеясы директоры Тимур Кадыйров шундый фикерен белдерде. Бу турыда «Татар-информ» хәбәрчесе Арина Потапова яза.

Хосусый клиникаларда абортларны тыю мәсьәләсендә сак эш итәргә кирәк. Россия Президенты Владимир Путин бу хакта туры элемтә барышында әйтте.