Казанның баш архитекторы: Җәмигъ мәчете суда булыр дип өметләнәм

Казанның баш архитекторы Илсөяр Төхвәтуллина Казанда Җәмигъ мәчете су территориясе янында төзеләчәгенә өметләнә. Бу хакта ул «Казаныш» халыкара форумының пленар утырышында әйтте, дип яза «Татар-информ» хәбәрчесе Александра Давыдова.

«Без Җәмигъ мәчетенә зур өметләр баглыйбыз. Мин ул нәкъ менә суда булыр дип өметләнәм. Ул шәһәребезнең бизәге булачак. Бу уникаль проект», - диде Казанның баш архитекторы.

Төхвәтуллина шулай ук Җәмигъ мәчете янында зур парк зонасы булачагын әйтте.

«Минемчә, Җәмигъ мәчете дини һәм архитектура бергәлекләре өчен дингә җәлеп итүгә яңа этәргеч, ә архитекторлар өчен бу проект зур бәйрәм булачак», - дип белдерде Казанның баш архитекторы.

• «Казаныш» Халыкара архитектура-төзелеш форумы Казанда 5-7 декабрьдә уза һәм 2024 елның октябрендә Казанда узачак БРИКС илләре саммиты алдыннан үткәрелә. Зур урбанистик конгресста 7 илнең чит ил делегатлары катнаша. Алар - зур шәһәр мэрлары, архитекторлар, урбанистлар һәм башка халыкара белгечләр. Аерым алганда, Россиядән 200дән артык спикер, БРИКС илләре - Кытай, Иран, Һиндстан, Берләшкән Гарәп Әмирлекләре белгечләре.