Когогин: Путинның үзен-үзе тәкъдим итүен хуплау командасына 700дән артык кеше керде
2024 елгы сайлауда Россия Президенты Владимир Путинның үзен-үзе тәкъдим итүен хуплаучы сайлаучылар төркеменә 700дән артык кеше рәсми рәвештә теркәлгән. Сайлаучыларның инициатив төркеме җыелышы вакытында КАМАЗ генераль директоры Сергей Когогин шул хакта белдерде. Бу турыда ТАСС хәбәр итте.
«Безнең ил Президентына Владимир Владимирович Путин кандидатын тәкъдим итү буенча җыелышны ачасым килә. 700дән артык кеше теркәлде, кворум - 500. Безнең җыелышны ачык дип санарга тәкъдим итәм», - диде ул.
Соңрак Халык фронты башкарма комитеты җитәкчесе Михаил Кузнецов ачыклаганча, теркәлүчеләр саны 750дән арткан, дип яза «Татар-информ».
Җыелыш башкаланың «Зарядье» концертлар залында уза. Үзен-үзе тәкъдим итүче кандидат сайлауларда катнашу өчен, закон буенча, кимендә 500 кешедән торган сайлаучылар төркеме җыю таләп ителә. Алар Россия гражданнары һәм актив сайлау хокукына ия булырга тиеш.
- Россия Президентын сайлау 2024 елның 15 мартыннан 17 мартына кадәр дәвам итәчәк. Искәртик, Владимир Путин яңа срокка үз кандидатурасын тәкъдим итү карары турында 8 декабрьдә - Ватан Геройлары көне уңаеннан тантанада игълан итте.