Петушенко: Мәскәүдән Казанга кадәр М12 трассасы буенча йөрү 4481 сум тәшкил итәчәк
Мәскәүдән Казанга кадәр М12 тизйөрешле трассасы буенча йөрү 4481 сум тәшкил итәчәк, ә транспондер белән арзанрак булачак. Бу хакта журналистларга «Автодор» дәүләт компаниясе идарәсе рәисе Вячеслав Петушенко хәбәр итте.
«Кеше ике тарифка тапкырлый. Бездә барлык саннар да куелган», — Россия Президенты Владимир Путинга туры элемтә вакытында М12 буенча юл йөрүгә югары бәя турындагы журналист соравына спикер шулай дип аңлатма бирде.
Петушенко сүзләренчә, Владимирга кадәр юл алты полосалы һәм интенсивлыгы башка участокларга караганда күпкә югары, шуңа күрә тариф та кыйммәтрәк. Спикер ассызыклаганча, башка участокларда мондый тариф юк.