Миңнеханов шаян видео күрсәтте һәм язылучыларының Яңа ел алдыннан кәефе турында сорады

Татарстан Рәисе Рөстәм Миңнеханов Teлеграм-каналында шаян видеоролик куйды һәм Яңа ел алдыннан язылучыларының кәефе белән кызыксынды.

Кыска гына видеода канал администраторы һәм республика җитәкчесенең матбугат хезмәте мәчеләр образында, алар песиләр белән роликны чыгару мөмкинлеге турында фикер алыша, әмма Татарстан Рәисе бу эшне килештерерме икән, дип шикләнәләр.

«Килештердем. Дуслар, кәефегез ничек?» - дип язган Рөстәм Миңнеханов.

Татарстан Рәисе республикада яшәүчеләрне якынлашып килүче Яңа ел белән котлады. «Узып баручы ел гади булмады, әмма без аягыбызда нык басып торабыз», - диде ул.