اسلامی جمہوریہ ایران کے وزير خارجہ محمد جواد ظریف نے سکیورٹی کونسل کے اجلاس سے ویڈیو کانفرنس کے ذریعہ خطاب کرتے ہوئے کہا ہے کہ امریکہ نے اپنے داخلی اور انتخاباتی مفادات کے لئے ایرانی قوم کو بہت زیادہ نقصان پہنچایا ہے اور امریکہ کو ایرانی عوام کونقصان پہنچانے کا معاوضہ ادا کرنا ہوگا۔
چین کی وزارت خارجہ کے ترجمان نے سکیورٹی کونسل کی قرارداد 2231 کے مکمل نفاذ پر تاکید کرتے ہوئے ایران کے خلاف اسلحہ کی پابندیاں ختم کرنے کا مطالبہ کیا ہے۔
بھارت میں کورونا وائرس کے کیسز بڑھنے کے بعد ریاست مہاراشٹر اورتامل ناڈونے لاک ڈاؤن دوبارہ نافذ کرنے کااعلان کیا ہے۔
یورپی یونین کی جانب سے کورونا وائرس سے محفوظ 14 ملکوں کے شہریوں کو یورپ میں داخلے کی اجازت دے دی گئی ہے۔
کورونا وائرس کے مریضوں کی تعداد کے حوالے سے یں برازیل دوسرے نمبر پر ہے جہاں کورونا کے مریضوں کی تعداد 13 لاکھ 70 ہزار 488 تک جا پہنچی ہے جبکہ اس مہلک وائرس 58 ہزار 385 افراد ہلاک ہوگئے ہیں۔
چین کی قومی اسٹینڈنگ کمیٹی نے متفقہ طور پر ہانگ کانگ کے قومی سلامتی قانون کی منظوری دے دی ہے۔
امریکہ میں کورونا وائرس سے اب تک 1 لاکھ 28 ہزار 783 افراد ہلاک ہو چکے ہیں جبکہ اس مہلک وائرس سے بیمار ہونے والوں کی مجموعی تعداد 26 لاکھ 81 ہزار 811 ہو چکی ہے۔
دنیا بھر میں کورونا وائرس سے متاثرہ افراد کی تعداد 1 کروڑ 4 لاکھ 12 ہزار 343 تک جا پہنچی ہے جبکہ اس مہلک وائرس سے ہلاکتیں 5 لاکھ 8 ہزار 228 ہو گئی ہیں۔
پاکستان کی احتساب عدالت نے سابق صدر آصف علی زرداری کے قابل ضمانت وارنٹس گرفتاری جاری کردیئے ہیں۔
مقبوضہ کشمیر کے ضلع اسلام آباد میں بھارتی فوج نے سرچ آپریشن کے دوران فائرنگ کرکے مزید 2 افراد کو ہلاک کردیا ہے۔
اسلامی جمہوریہ ایران کی وزارت خارجہ کے ترجما ن نے امریکہ کی اطاعت اور پیروی کرنے والے بعض علاقائي ممالک منجملہ سعودی عرب اور بحرین کو مخاطب کرتے ہوئے کہا ہے کہ امریکہ کی اطاعت اور پیروی کرنے سے خطے میں امن و استحکام پیدا نہیں ہوگا۔
گنبد سلطانیہ ایران کے صوبہ زنجان میں واقع ہے اس قدیمی اور تاریخی عمارت میں اسلامی اور ایرانی معماری کے شاندار جلوے نمایاں ہیں جن میں کاشی کاری، نقاشی اور کتیبہ شامل ہیں۔
اس رپورٹ میں ایران کے صوبہ گیلان میں فصل بہار کے شاندار مناظر پیش کئے جاتے ہیں۔
پاکستان میں کورونا وائرس کے مزید 5 ہزار سے زائد کیسز سامنے آگئے جس کے بعد مریضوں کی تعداد دو لاکھ 8 ہزار سے زائد ہوگئی جب کہ تاحال 4257 افراد ہلاک ہوچکے ہیں۔
ونزوئلا کے صدر میدورو نے یورپی یونین کی طرف سے 11 ونزوئلائی شہریوں کے خلاف پابندیوں کے بعد ونزوئلا میں یورپی یونین کے نمائندے کو ملک بدر کرنے کا حکم صادر کردیا ہے۔
مہر خبررساں ایجنسی میں " خورشید کے زیر سایہ کاررواں" اور حرم رضوی کے خادمین نے حاضر ہوکر مہر نیوز کے کارکنوں کو پرچم رضوی کی زیارت سےمشرف کیا۔
امریکی ریاست یوٹاہ کے جنگلات میں آگ لگنے سے 10ہزار ایکڑ اراضی جل گئی۔ ہزاروں افراد کو محفوظ مقامات پر منتقل کردیا گیا ہے۔
پاکستان کے شہر کراچی میں اسٹاک ایکسچینج کی عمارت پر دہشت گردوں کے حملے میں 4 دہشت گردوں سمیت 9 افراد ہلاک ہوگئے۔
فرانس کے دارالحکومت پیرس کے مشہور ایفل ٹاور کے سامنے سکھ کمیونٹی نے خالصتان کی آزادی کے لیے مسلسل دو گھنٹے بھر پور احتجاجی مظاہرہ کیا۔
اسلامی جمہوریہ ایران کے وزير خارجہ نے سکیورٹی کونسل کی قراردادوں اور معاہدوں پر عمل درآمد کرنے والے ممالک کے خلاف امریکہ کے مجرمانہ اقدامات کی طرف اشارہ کرتے ہوئے کہا ہے کہ امریکہ کی پیشانی پر ذلت کا یہ نشان موجود ہے کہ وہ سلامتی کونسل کی قرارداد پر عمل درآمد کرنے والے ممالک کو سزا دینے کا مجرمانہ اقدام کرتا ہے۔
یورپی یونین نے روس پر معاشی پابندیوں میں مزید 6 ماہ کا اضافہ کردیا ہے۔ یہ پابندیاں اب 31 جنوری 2021 تک جاری رہیں گی۔
فرانس کی عدالت نے فرانس کے سابق وزیر اعظم کو 5 سال قید ، 000، 375 یورو جرمانہ اور 10 سال کی نااہلی کی کی سزا سنائی ہے۔
افغانستان کے صوبے ہلمند کے بازار میں راکٹ حملے اور کار بم دھماکے میں 23 افراد ہلاک اور 15 زخمی ہوگئے ہیں۔
پاکستان کے شہر کراچی میں اسٹاک ایکسچینج کی عمارت پر حملے میں مارے جانے والے 4 دہشت گردوں میں سے ایک دہشت گرد کی شناخت ہوگئی ہے۔