Новости за 12.06.2020

افغانستان کے دارالحکومت کابل میں وہابی دہشت گردوں نے جامع مسجد شیر شاہ سوری میں نماز جمعہ کے دوران دھماکہ کیا جس کے نتیجے میں امام سمیت 4 افراد جاں بحق ہوگئے ہیں۔

تہران میں ایرانی سپاہ کے سربراہ میجر جنرل حسین سلامی کی موجودگی میں حضرت امام حسین (ع) ٹریننگ یونیورسٹی کے کماںڈروں جنرل فضلی کی تکریم اورجنرل نعمان غلامی کی معرفی کی تقریب منعقد ہوئی۔

نیپالی فورسزنے بھارتی سرحد پر فائرنگ کی ہے جس کے نتیجے میںے ایک بھارتی نوجوان ہلاک ہوگیا۔

ایران کے شہر یزد میں طبی پروٹوکول کی رعایت کے ساتھ نماز جمعہ ادا کی گئی۔

اسلامی جمہوریہ ایران کی وزارت خارجہ کے ترجمان نے ایرانی عوام کے خلاف امریکی پابندیوں کے نتائج پر امریکی اہلکارکی خوشی کے رد عمل میں کہا ہے کہ امریکہ عنقریب ایرانی عوام کے سامنے گھٹنے ٹیک دےگا۔

اہواز کے ملاشیہ علاقہ میں کچرے کے ایک گودام میں آگ لگ گئي جس پر فائیر بریگیڈ کے عملے نے قابو پالیا۔

ملائیشیا نے کورونا وائرس کے پیش نظر رواں سال اپنے شہریوں کو حج پر جانے سے روک دیا۔

ایران کے مرکزی صوبہ کے صدر مقام اراک میں کورونا وائرس کے باعث نماز جمعہ کی ادائیگی بند کردی گئی تھی جسے 110 دنوں کے بعد طبی پروٹوکول کی روشنی میں ادا کیا گیا۔

بغداد میں ایران کے سفیر نے اپنے ٹوئیٹر پر ایک بیان میں عراق کے وزیر خارجہ اور وزیر صحت کے ساتھ ملاقات کی طرف اشارہ کرتے ہوئے کہا ہے کہ عتبات عالیات کی زیارت اور سفر کے لئے فی الحال حالات سازگار نہیں ہیں۔

اہواز کے ملاشیہ علاقہ میں کچرے کے ایک گودام میں آگ لگ گئي جس پر فائیر بریگیڈ کے عملے نے قابو پالیا۔

روس میں کورونا وائرس سے اب تک 6 ہزار 532 افراد ہلاک ہو گئے ہیں جبکہ اس مہلک وائرس سے متاثرہ مریضوں کی تعداد 5 لاکھ 2 ہزار 436 ہو چکی ہے۔

امریکی صدر نے انٹرنیشنل کرمنل کورٹ کے مخصوص عملے کے خلاف پابندیاں لگانے کے صدارتی حکم نامہ پر دستخط کر دیئے ہیں۔

افغان صدر اشرف غنی نے کہا ہے کہ طالبان کے مزید 2 ہزار دہشت گرد قیدیوں کی رہائی کا عمل جلد مکمل کرلیا جائے گا۔

امریکہ میں کورونا وائرس سے اب تک 1 لاکھ 16ہزار 34 افراد ہلاک ہوچکے ہیں جبکہ اس مہلک وائرس سے بیمار ہونے والوں کی مجموعی تعداد 20 لاکھ 89ہزار 701ہو چکی ہے۔

بھارت میں کورونا وائرس سے اب تک 8 ہزار501 ہلاک ہو چکے ہیں جبکہ اس سے متاثرہ مریضوں کی تعداد 2 لاکھ 98ہزار 283ہو گئی ہے۔

دنیا بھر میں کورونا وائرس سے متاثرہ افراد کی تعداد75 لاکھ 97 ہزار 341 تک جا پہنچی ہے جبکہ اس وائرس سے ہلاکتوں کی تعداد 4 لاکھ 23 ہزار 844 افراد تک پہنچ گئی ہے۔

اسلامی جمہوریہ ایران کے وزير خارجہ محمد جواد ظریف اتوار اور پیر کے دن ترکی اور روس کا دورہ کریں گے۔

پاکستان میں کورونا وائرس کے کیسز کی تعداد 1 لاکھ 25ہزار 933 ہو چکی ہے، جبکہ اس مہلک وائرس سے مزید 107 مریضوں کے ہلاک ہونے کے بعد مرنے والے افراد کی کُل تعداد 2 ہزار 463تک جا پہنچی ہے۔

امریکی فوج کے چیئرمین جوائنٹ چیفس آف اسٹاف کمیٹی جنرل مارک ملی نے واشنگٹن میں مظاہرین پر آنسو گیس کی شیلنگ کے بعد صدر ڈونلڈ ٹرمپ کے ساتھ چہل قدمی پر معذرت کرتے ہوئے کہا ہے کہ اس ماحول میں ان کی موجودگی سے یہ تاثر گیا کہ امریکی فوج ملکی سیاست میں ملوث ہے۔

لاطینی امریکہ کے ملکوں میں کورونا وائرس کا پھیلاؤ جاری ہے، برازیل سمیت مختلف لاطینی امریکی ملکوں میں مہلک کورونا وائرس سے 70 ہزار سے زائد افراد ہلاک ہوچکے ہیں۔

شام کے صدر بشار اسد نے آبی وسائل کے وزیر حسین عرنوس کو شام کا نیا وزیر اعظم مقرر کردیا ہے۔

اسلامی جمہوریہ ایران کے صدر حسن روحانی نے روسی فیڈریشن کے قومی دن کی مناسبت سے روسی صدر پوتین کے نام اپنے ایک پیغام میں مبارک باد پیش کرتے ہوئےکہا ہے کہ ایران اور روس کی علاقائی سلامتی اور سکیورٹی کے حوالے سے مشترکہ ذمہ داری اور مشترکہ مفادات ہیں۔