7 стаг велла уьнах Къилбаседа Кавказехь дийнахь-буса, 502 цомгуш хилла
Т1ьаххьарчу 24 сахьта чохь Къилбаседа Кавказехь коронавирусах велла 7 пациент, 502 цомгуш хилла, Оьрсийчоьнан уьнна дуьхьалоечу Оперативан штабан хамца.
Белларш бу Ставропол-махкара кхо дархо, Краснодар-махкара – шиъ, Дагестанера, ГIалмакхойчуьра – цхьацца. 1168 вахархо велла Къилбаседа Кавказехь пандеми яьржичхьана схьа.
Дийнахь буса а, ерриг а хенахь цомгуш хиллачийн терахьаш иштта ду:
Ставропол-мохк +124 (11 730)
Краснодар-мохк + 90 (11 031)
ГIалмакхойчоь +73 (4054)
Дагестан +70 (10 858)
Кхарачой-Чергазийчоь +45 (5021)
ГIалгIайчоь +32 (4338)
ГIебарта-Балкхаройчоь +24 (6463)
Къилбаседа ХIирийчоь +20 (4880)
Адыгей +19 (3346)
Нохчийчоь +5 (2258)
Официалехь Къилбаседа Кавказехь цомгуш хилла лору 63 590 стаг. Ткъа ерриг а Оьрсийчохь - 985 346.
Федералан статистика ца йогIу меттигашкарчу терахьашца. Даржхоша цуьнан бахьана дузу пачхьалкхан коьртачу урхаллашкахь а, меттигашкахь а статистика лелоран кепаш тайп-тайпана хиларца.