Новости за 28.08.2020

Школашкахь цIеххьана коронавирус яьржина хааделча, шайггара карантин кхайкхо бакъо хир ю школийн куьйгалхойн, аьлла Оьрсийчоьнан Пачхьалкхан Думин кхеташонехь Дешаран министраллин балханна тIехьажаран департаментан директора Романова Тамарас, хаам баржийна ТАСС агенталло. Школаша болх, даим а санна, Гезгмашин-беттан 1-чу дийнахь дIаболор бу, бераш деша лелар ду, билгалдаьккхина Романовас. Амма вирусах дешархой ларбеш, хир бац бекош школашкахь горгали. Дешар шайн-шайн ражехь долош хир ду классашкахь... Читать дальше...

Коронавирусах дийнахь-буса велла Къилбаседа Кавказехь 14 стаг; шена ФСБ-но йиттина аьлла, изоляторера арздина Евлоев Бахьавдина; Саакашвилис ша Гуьржийчу дIагIур ву аьлча, ша иза сихха набахте кхачор ву, жоп делла даймахкарчу Iедало

Къилбаседа ХIирийчохь экстремизман материалаш яржорна 1000 сом гIуда тоьхна 30 шо долчу Михайловское юьртан вахархочунна. Цо шен социалан машанерчу агIоне хIоттийна хилла "Басаев Шемал – Бесланах долу бакъдерг" цIе йолу видео (шо ду и видео хьажа дихкина). Ша динчу зуламна иза дохковаларна, витина таIзар сов ца доккхуш, элира Кавказ.Реалиига Iедалерчу хьостанаша. "КхоалгIачу рейхехь гIуллакхдина хIирий" книгица экстремизм ю аьлла, иза яржор дихкира БуритIерачу кхело хьалхо. Экстремизм шайца... Читать дальше...

ГIалгIайчуьрчу МаьлгIабекан вахархочунна Богатырев Бахьавдинна набахтехь даккха 9 шо кхайкхийна Къилба федералан тIеман кхело. Иза бехкевина тIеман тобанехь Iийна хиларна а, нах Шема тIаме баха вовшахбеттарна а. Талламан версица, 2013-чу шеран Iай "Кавказ Имаратерчу" "ГIалгIайчоьнан виллаятах" дIакхетта Богатырев. ТIахьо дIавахана Туркойчу, цигара – Шема. Цигахь 2018-гIа шо тIекхаччалц лелла тIаме нах гулбеш, ткъа ГIалгIайчу юхавеъча, цуьнгахь карийна оьккху коьчал, боху талламо. Къилба федералан... Читать дальше...

Террористашна гIодарх шеко йолуш лаьцначу гIалгIайн СагIопче юьртарчу Евлоев Бахьавдина шен адвокатехула арздина Магасерчу а, БуьритIерачу а ФСБ-н дакъойн белхахоша шена гIелойина, аьлла. Оцу хьокъехь Кавказ.Реалиига дийцира бакъоларъяран "Мемориал" центран ГIалгIайчуьрчу декъан куьйгалхочо Акиев Тимура. Акиевс дийцарехь, Евлоевга ницкъаша даредайтина, цо а, цуьнан шичас, охьатохархлатархошлахь Азин чемпион волчу Евлоев Муслима а бевзаш боцчу цхьана наханна хIусам лаьцнера, ткъа уьш леррина операци дIахьош Iедалхоша байъина, аьлла. Читать дальше...

ТIаьххьарчу дийнахь-буса, Оьрсийчоьнан уьнна дуьхьалоечу Оперативан штабо бечу хаамца, Къилбаседа Кавказерчу дарбан хIусамашкахь коронавирусах велла 14 стаг, цомгуш хилла кхин а 482. Дагестанехь велла пхи дархо, Ставропол-махкахь а, ГIалмакхойчохь а – кхоккха, Краснодар-махкахь – шиъ, Адыгейхь – цхьаъ. Пандеми йолаелчхьана схьа коронавирусах велла Къилбаседа Кавказехь, официалан ститистико бахарехь, 1161 стаг. Дийнахь-буса а, ун даржинчу ерриг а хенахь а цомгуш хилларш: Ставропол-мохк +125... Читать дальше...

1000 сов стаг дIалецира террорхоша 2004-чу шарахь Бесланерчу школехь. Кхелхинчу дешархойн наной тахана а бу терактан дуьхьало ца йинчу Iедалхошна кхел йоьхуш - тIемалойн планаш хьалхе дуьйна хууш яра МВД-на. ХIара филм ю Оьрсийчоьнан исторехь уггар бохаме деанчу школашкахь дIахьочу Хаарийн дийнах лаьца. Автор: Александров Алексей

Кху муьрехь Австрин полицино Нохчийчуьра ялх вахархо дIалаьцна.  Талламчийн версица, лелар а, духар нохчийн ламасташца догIуш дац бохуш, шайн махкара баьхкинчу мехкаршна тIаьхьабевлла лелаш хилла уьш. Ву царлахь 19 шарера 37 шаре ваьлла пхи стаг а, иштта зуда а ю бехке еш, кхерамаш а туьйсуш, психологин ницкъ бина ца Iаш, леташ а хилла бохуш. Европехь бехачу нохчийн уггар а йоккхахйолу диаспора ю Австрехь, цундела, цара хьийзо нах а дукха хила тарло. Австрерчу полицин урхаллан векало Дитрих Маркуса ма-дийццара... Читать дальше...

Гуьржийчохь президент лаьттина, карарчу хенахь Украинехь реформаш кхочушъяран кхеташонна коьртехь волу Саакашвили Михаил лерина ву даймахка дIаваха. Оцу хьокъехь яздина цо шен фейсбукехь. Политика бахарехь, цо ша президент волуш кхоьллина хьал тахана а лелаш ду Гуьржийчохь. Даржехь ша волуш шегара дийлинчу гIалаташна гуьржашка къинтIера бовлар а дехна Саакашвилис. "Гуьржийчуьра керланаш хезча, со кхета, суна хаьа, хаьл долучул а дика хир дара. ХIора гуьржи вехаш хилалур ву, иза вай цхьана кхочушдийр ду. Читать дальше...

Токиохь пресс-конференци луш, ша шегара дарж охьадуьллу, дIахьедина Японин премьер-министра Абэ Синдзос. Белхан меттера ша дIагIур ву дарже керла стаг хIоттийча, аьлла цо. 65 шо долу политик цомгуш ву, могашалла эшна цуьнан тIаьххьарчу хенахь. Абэ 1982-чу шарахь веара политике, Японин арахьарчу гIуллакхийн министр волчу шен дена гIодан хIоттарца. 1993-чу шарахь Японин парламенте депутат хаьржина иза. Шен 52 шо долуш, 2006-чу шарахь, премьер-министр хилира цунах. РогIерчу шарахь цамгарца доьзна дитира цо и дарж... Читать дальше...

Трамп Доналда официалехь реза хилла Республикан Партин цIарх Американ Цхьаьнатоьхначу Штатийн президентан дарж къовса. Оцу хьокъехь дIахьедина цо еарин дийнахь, Республикан партин гулам берзош ша динчу къамелехь. Трампа кхаа декъехь дира шен къамел: президентан администрацино баьхначу баккхий кхиамех лаьцна а, Американ хиндолчун хьокъехь а, Демократин партин кандидата Байден Джос пачхьалкханна бохьучу кхерамех лаьцна а. Цо дош делира, Китайно, цуьнан дешнашца аьлча, шега сацалушшехь ца сацийначу... Читать дальше...