Новости за 09.03.2021

8-nji martda agşam dürli ýurtlardan bolan adam hukuklaryny goraýjy guramalarynyň bäşisi Russiýa Federasiýasynyň FSB serhet gullugynyň başlygy, goşun generaly Wladimir Kulişowa ýüz tutup, türkmen blogçysy Rozgeldi Çöliýewiň başpena soramagy üçin mümkinçilik döretmegi haýyş etdi. "Memorial" adam hukuklaryny goraýjy merkez, Adam Hukuklary Guramasy, Adam Hukuklary boýunça Halkara Partnýorlygy guramasy, Türkmen Helsinki Fondy we Adam Hukuklary boýunça Türkmen Inisiatiwasy tarapyndan gol çekilen ýüzlenmäniň... Читать дальше...

8-nji mart – Halkara zenanlar güni Mary şäherinde dükanlar, kafeler we restoranlar gijöýlän sagat 6-a çenli ýapyldy. Pandemiýanyň fonunda karantin çäklendirmelerini sähel gowşadan Türkmenistanda synag maksady bilen Aşgabat-Türkmenabat aralygynda bölekleýin dikeldilen otly gatnawynyň ýolagçy sany çäkli bolmagynda galýar.

Balkan sebitiniň agyz suwundan soňky meselesi işsizlik hasaplanýar. Milliardlarça dollar harçlanan, ýerli ilat üçin goşmaça iş mümkinçiliklerini döreden "Awazanyň" ýapyk galmagy içerki syýahatçylykdan gelen girdejileriň kesilmegine, sebitiň ykdysady ýagdaýlarynyň has ýaramazlaşmagyna getirýär.

Stambulda neşe operasiýalarynda Türkmenistanyň üç raýaty tussag edildi. 8-nji martda türk mediasynyň ýaýradan maglumatlaryna görä, Stambulyň alty etrabynda geçirilen operasiýalarda neşe söwdasynda güman edilýän 9 adam tutuldy, olaryň 3-si Türkmenistanyň raýaty.

Çopanlar owlak-guzy planyny 100% ýerine ýetirmese, döwlet olaryň aýlyklaryny bermeýär, ölen owlak-guzularyň tölegi hem çopanlardan tutulýar; öli doglan owlak-guzularyň läşlerini saklap, mal doktoryna hasaba aldyrmaly diýip, çopanlar gürrüň berýär.

Azatlyk Radiosynyň habarçysy Aşgabatda jemagat gullugynyň işgärleriniň eýeli we eýesiz it-pişikleri zäherlemek hem-de olary ýitirim etmek işlerini alyp barýandygyny habar berýär.

Hytaý serhetaşa syýahat etmegi planlaşdyrýan raýatlary üçin COVID-19 waksinasy boýunça elektron şahadatnamasyny hödürledi. Adamyň waksinasiýa edilmegine degişli ýagdaýy we wirus testleriniň netijelerini öz içine alýan elektron şahadatnama, Hytaýyň raýatlary üçin 8-nji martda işe girizilen WeChat sosial media platformasyndaky programma arkaly elýeterli. Bu şahadatnama "dünýä ykdysadyýetiniň dikelmegine kömek etmek üçin" serhetaşa syýahat etmegi ýeňilleşdirer "-diýip, Daşary işler ministrliginiň metbugat sekretary 9-njy martda aýtdy. Читать дальше...

9-njy martda Ýewropa Parlamenti Kataloniýanyň garaşsyzlygy boýunça öňki lideri Çarles Puigdemonty we onuň iki kärdeşini eldegrilmesizlik statusyndan mahrum etdi, bu olaryň Ispaniýa ekstradisiýa edilmegine ýol açar. Puigdemontyň, öňki saglyk ministri Toni Kominiň we öňki regional bilim ministri Klara Ponsatiniň işi boýunça üç sany aýry ses berişlikde ÝB-niň 400 çemesi kanun çykaryjysy oňyn ses berdi, 248 garşy seslendi, 45 adam saklandy. Puigdemont we Komin 2019-njy ýylda Ýewropa Parlamentine saýlanypdy, geçen ýyl Ponsati hem ýer aldy. Читать дальше...

Amerikanyň Birleşen Ştatlary, ABŞ-da öndürilen COVID-19 garşy sanjymlara bolan ynamy pese gaçyrmagy maksat edinýän rus dezinformasiýa kampaniýasy hökmünde häsiýetlendiren ýagdaýy aç-açan tankytlady. Waşington bu kampaniýa "ähli mümkinçilikler bilen" garşy göreşjekdigini aýtdy. "Orsýetiň köne hilelerinden peýdalanýandygy we bilşimiz ýaly her gün adamlary halas edýän waksinalarymyz barada nädogry maglumatlary ýaýratmak arkaly adamlary howp astyna salýandygy äşgär" diýip, Döwlet departamentiniň metbugat... Читать дальше...

Türkmenistanda 28-nji martda geçiriljek Halk Maslahaty Milli Geňeş agzalarynyň saýlawlaryna dalaşgärleri hasaba almak prosesi tamamlandy. Türkmenistanda Saýlawlary we sala salşyklary geçirmek boýunça Merkezi Komissiýanyň Türkmen mejlisiniň ýokarky palatasy Halk Maslahatyna saýlawlara taýýarlyk görülmegine bagyşlanan ilkinji ýygnagy ses berişlikden bir aý öň 27-nji fewralda geçirildi. Merkezi saýlaw komissiýasynyň dalaşgärleri hasaba almak işini tamamlap, 111 kandidata dabaraly ýagdaýda şahadatnama gowşurandygyny döwlet metbugaty habar berdi. Читать дальше...

ABŞ-nyň Owganystan boýunça ýörite wekili Zalmaý Halilzad Pakistana eden saparynda harby ýolbaşçylara Yslamabadyň Owganystanyň parahatçylyk prosesinde möhüm rol oýnamagyny dowam etdirýändigini, Waşingtonyň uzaga çeken urşy bes etmek ugrundaky göreş tagallalaryny dowam etdirýändigini aýtdy. ABŞ-nyň ilçihanasynyň beýanatyna görä, Halilzad we ABŞ-nyň güýçleriniň hem NATO-nyň ýolbaşçylygyndaky Owganystandaky ýardam missiýasynyň başlygy general Skot Miller Pakistanyň resmileri we general Kamar Jawed Bajwa bilen duşuşdylar. Читать дальше...