Hepdäniň esasy temalaryna gysgaça synymyzy diňläp, öz pikirleriňizi aýtmaga çagyrýarys. Şu hepde daşary ýurtlarda ýaşaýan we türkmen hökümetini tankyt edendigi üçin basyşlara duçar bolan iki aktiwistiň ykbalynda oňyn özgerişler peýda boldy; COVID-19 keseline garşy waksinasiýa nobaty welaýatlara ýetdi; Azyk ýetmezçiliginden nägile maryly ýaşaýjylar türkmen häkimiýetlerine köpçülikleýin ýüzlendiler.
Türkmenistana birden ýiti sowuk aralaşdy hem güýçli gar ýagdy. Aşgabatda, şeýle hem Daşoguz, Lebap we Mary welaýatlarynda 13-nji martda irden gar ýagdy. Gündiz howanyň temperaturasy -7 gradusa çenli aşaklady. Käbir sebitlerde gijesine -18 derejä ýetjek sowugyň bolmagyna garaşylýar. Sebitlerde 12-nji mart gijesi ilatyň köp bölegi elektrik toksuz galdy. Iki hepdeläp dowam eden baharyň maýyl günlerinden soň, howanyň birden sowamagy daýhan hojalyklarynyň fewral aýynyň ahyrynda ekin kartoşka meýdanlaryny weýran etdi. Читать дальше...