Stoltenberg: Alamatlar Russiýanyň Ukraina ‘doly masştably hüjüm’ meýilleşdirýändigini görkezýär
NATO rus goşunynyň goňşy Ukraina garşy “doly masştably hüjüme” girişjegini çaklaýar.
“Ähli alamatlar Russiýanyň Ukraina garşy doly masştably hüjüm planlaşdyrýandygyny görkezýär” diýip, NATO-nyň baş sekretary Ýens Stoltenberg 19-njy fewralda Mýunih howpsuzlyk maslahatynyň gapdalynda ARD nemes telekanalyna beren interwýusynda aýtdy.
“Russiýa goşun yza çekilýär diýse-de, hiç hili goşun çekilenok, gaýta täze goşunlar üstüne goşulýar” diýip, ol aýtdy.
Şeýle-de, Stoltenberg Russiýanyň hüjüme girişmek üçin bahana tapmaga taýýarlyk görýändigi barada alamatlaryň bardygyny aýtdy.
Ol bu sözleri NATO Ukrainadaky işgärlerini howpsuzlyk sebäpli paýtagt Kiýewden ýurduň günbataryna hem-de Brýussele göçürýän mahaly aýtdy.